ده‌زگه‌هێن راگه‌هاندنا ئه‌مریكى: ئه‌فسه‌ره‌كێ هه‌والگیریا فه‌ره‌نسى دناڤ رێزێن داعشێ دایه
ئه‌ڤرۆ نیۆز:
ده‌زگه‌هێن راگه‌هاندنا ئه‌مریكى دوپاتكر، ئه‌فسه‌ره‌كێ به‌رێ یێ هه‌والگیرى یا فه‌ره‌نسى په‌یوه‌ندى ب رێزێن چه‌كدارێن داعشێ ڤه ل وه‌لاتێ سوریا كریه، لورا ئه‌و ئه‌فسه‌ر بویه ئارمانجه‌كا هێرشا ئه‌سمانیا ئه‌مریكى ل دوومتهیا هه‌یڤا ئیلونێ.
گرۆپێ ماكلاتچی یێ رۆژنامه‌ڤانیا ئه‌مریكى ب پشتبه‌ستنا ژێده‌رێن هوالگیریا ئورۆپى ئێك ژ ئه‌فسه‌رێن هه‌والگیریا به‌رێ ناسناما وى ئاشكرا نه‌كریه چویه دناڤ رێزێن قاعیده یا تیرورى ل ئه‌فگانستانێ پاشی چوویه سوریا.
به‌رى هه‌یامه‌كێ تۆڕا (BBC) ئه‌مریكى یا ده‌نكوباسان ئه‌ڤ په‌یامه ژ به‌ررپسێن ئه‌مریكى یێن هه‌والگیرى كو نه‌ڤیایه ناڤێ خوه ئاشكرا بكه‌ت ڤه‌گوهاستیه، تۆڕا ناڤبرى دیاركر، جاسیسه‌كێ به‌رێ یێ فه‌ره‌نسى په‌یوه‌ندى ب قاعیده یا تیرۆرى
كو هێرشه‌كا ئه‌سمانیا ئه‌مریكى ل وه‌لاتێ سوریا ل هه‌یڤا بۆرى ل گه‌ل گرۆپه‌كێ تیرۆرى كرینه ئارمانج به‌رى ب كاریاره‌كا تیرۆرى یا په‌قاندنا فرۆكێن ئه‌مریكى رابن.
گرۆپێ ماكلاتچى یێ ئه‌مریكى هه‌روه‌سا ئاشكراكر، ئه‌و ئه‌فسه‌رێ ئه‌مریكى شاره‌زایێ كاروبارێن په‌قاندنایه دناڤ وان كه‌سان دابوو یێن فرۆكێن ئه‌مریكى كریه ئارمانج د بنگه‌هێن گرۆپێن به‌ریێ نوسره‌دا، كو دبیته لقه‌كێ رێكخستنا قاعیده، به‌لێ ئه‌و كه‌س دوێ هێرشێ دا قورتال بوو.
ل گۆڕ پێزانین ئه‌مریكى، رۆلێ وى ئه‌فسه‌رى مه‌زنتر بوویه ژ رۆلێ موحسن ئه‌لفه‌زلى سه‌ركردێ گرۆپێ خورسان یا پشته‌ڤانا رێكخستنا قاعیده یا تیرۆرى، كو دهێرشا ئه‌مریكى دا هاتیه كوشتن.
