نوجێفێ بۆ سه‌ركردێن سونى ل ته‌له‌عفه‌ر خوه ژ داعشێ جودا بكه‌ن
ئه‌ڤرۆ نیۆز:
پارێزگارێ نه‌ینه‌وا ئه‌سیل نوجێفى ل سه‌ر تۆڕا جڤاكى یا تایبه‌تا خوه داخواز ژ سه‌ركردێن سونى ل قه‌زا ته‌له‌عفه‌ر كر، خوه ژ داعشێ جودا بكه‌ن و ئاشتیێ ل گه‌ل توركمانێن شیعه مه‌زهه‌ب بكه‌ن.
هه‌روه‌سا پارێزگارێ نه‌ینوا ئاشكراكر، ب سه‌دان ژ خه‌لكێ ته‌له‌عفه‌ر دناڤ رێزێن داعشێ دا هه‌نه، به‌لێ خوه‌یاكر، ئه‌و سه‌د كه‌س به‌رانبه‌رى سه‌داهان هزارێن خه‌لكێ ته‌له‌عفه‌ر چو نابن، چونكى داعشێ گه‌له‌ك ژ خه‌لكێ ته‌له‌عفه‌رێ كوشتینه هه‌تا هنده‌ك ژوان دبیت ژ سه‌ركردێن داعشێ ژى هاتبنه هه‌ژمارتن.
هه‌روه‌سا نوجێفى گۆت: هاریكارى و ئاڤاكرنا باوه‌ریێ پێدڤى ب پشتگوه خستنا كه‌سێن خرابكاره و به‌ره‌ڤانى نه‌كرنا ژوان هه‌ر چه‌ند نێزیكترین كه‌س بیت و به‌رهه‌ڤیا هاتنا دناڤ رێزێن ده‌وله‌تێ دا دژى داعشێ.
