سێ برینێن کویر
عبدالرحمن محمود
ل شەڤەکا ستێر
ل ئاسمانێ وێ سل
ھەیڤا وێ ڤەرەڤی و
تاریێ خوە دایە ل مل
ژ نشکەکێڤە بریسیەکێ
سێ گولێن باغێ مە
ھنگافتن
دناڤ کفنێن سپی
نخافتن و
سێ برینێن کویر
ل دلی نکراندن
دگەریا ڤێ شەڤێ دا
تەڤ پەیڤ قەڕسین
تا ئەلندا روژێ
دەست و پێ
ڤە دلەرزین
دل ژ غوربەتێ
ھەر زوی چرمسین
چاڤ ژ روندکا
مانە شل
چ ژانەکا دژوارە!
مینا ئاگەکی
ئەڤ کولە
دێ مینیت ھل
ئەی خودا ..
یێ بەرەف تەڤە ھاتین
سێ شەمالک و
سێ چرا بوون
تۆ گۆڕا وان
ھەر بھێلی پڕ ب گول
