مەسرور بارزانی: داخوازێ ژ ئالیێن سیاسی دكەم دوور ژ سڤكاتیێ و ناڤزڕاندنێ هەوا هەلبژارتنان بكەن
مالپەرێ حوكمەتا هەرێما كوردستانێ ناڤەرۆكا دووماهی كۆمبوونا ئاسایییا جڤاتا وەزیرێن هەرێمێ بەلاڤكر، كو د پشكەكێدا باس ل ئاخڤتنێن مەسرور بارزانی، سەرۆكێ حوكمەتا هەرێما كوردستانێ سەبارەت هەوا هەلبژارتنێن پەرلەمانێ كوردستانێ دكەت.
مەسرور بارزانی، سەرۆكێ حوكمەتا هەرێمێ د كۆمبوونێدا گۆت : ئالیێن سیاسی د ئازادن د چارچۆڤەیێ پەیڕەو و رێنمایێن كۆمسیۆنێ چاوان هەوا هەلبژارتنان بكەن، بەلێ داخواز ژێ دكەم ب شێوەیەكێ شارستانی و دوور ژ سڤكاتیێ و ناڤزراندنێ هەوا خوە بكەن چونكە ئەم هەموو كوردستانی نە و دڤێت ب بەرپرسیارەتیڤە ڕەفتارێ بكەین.
