ده‌ربه‌رده‌بوون

ل گونده‌كی دوكێل ژ ناڤ كاڤلێ وێ دا بلند بوو. زه‌لامه‌كێ پیر
سه‌رێ خوه‌ د ناڤ ده‌ستێن خوه‌ دا ڤه‌شارتبوو:
چ روودایه‌؟
ده‌مێ سه‌رێ خوه‌ راكری و به‌رسڤدای:
ـ ئه‌ز نزانم.
ـ كانێ ژن زارۆ؟
ـ ئه‌ز نزانم.
ـ ئه‌رێ مرینه‌؟
ـ ئه‌ز نزانم.
ـ كێ ئه‌ڤه‌ ب سه‌رێ هه‌وه‌ ئینایه‌؟
ـ ئه‌ز نزانم.
ـ تو بۆچی ل ڤێرێ مایی؟
ـ ئه‌ز نزانم.
ـ ئه‌رێ ته‌ خوارن هه‌یه‌؟
ـ ئه‌ز نزانم.
بێی كو های ژ خوه‌ هه‌بیت
بێی لڤین به‌رسڤ دا:
ـ ئه‌ز نزانم.
گیسكه‌ك ب هوشداری نێزیك دبیت. من ژێ پرسی:
ـ ئه‌رێ ئه‌ڤ بزنه‌ یا ته‌یه‌؟
گیسك ژ ناڤ كاڤلێ وێرانكری ده‌ردكه‌ڤیت، گیسك ب گیسكی ڤه‌، زه‌لامێ پیر سه‌رێ خوه‌ راكر و به‌رسڤ دا:
ـ به‌لێ. به‌لێ.
و/ ئه‌ڤرۆ

کۆمێنتا تە