ئەیهەم گولی: پشتەڤانییا لیستا 190 پشتەڤانییە بۆ كەرتێ وەرزشێ و پێشكەفتنا ئاستێ و شیانێن یاریزانان
سەرۆكێ یانەیا باتیفا یا وەرزشی گەشبینییا خوە دیاركر لیستا 190 یا پارتی دیموكراتی كوردستان ب تنێ دشێت پشتەڤانییا وەرزشێ و وەرزشڤانێن دەڤەرێ بكەت و ئاماژە پێ دا كو د سالێن بوری دا كابینا نەهێ ب سەرۆكاتییا رێزدار مەسرۆر بارزانی و پپشتەڤانیا بەردەوام یا پارتی دیموكراتی كوردستان وەكرییە ژێرخانەیا وەرزشی هێدی بەر ب پێشڤە بچیت سەرباری قەیرانێن بەردەوام و دژاتیكرنا دوژمنێن پێشكەفتنا هەرێمێ و هیڤی خواست ئەو سۆزا بۆ دانانا یاریگەهەكا وەرزشی دا زووتر بكەڤیتە د بوارێ بجهئینانێ دا.
زێدەتر ئەیهەم گۆلی بۆ رۆژنامەیا ئەڤرۆ گۆت: كابینا نەهێ حوكمەتا هەرێما كوردستانێ هەتا رادەیەكێ باش خزمەتا وەرزشێ ل پارێزگەها دهۆكێ یا كری و بەلگەژی دروستكرنا چەندین هۆل و یاریگەهێن وەرزشی ب شێوەكێ مۆدرێن، هەروەسان ب پشتەڤانییا سەرۆكێ حوكمەتێ و پارتی دیموكراتی كوردستان د ماوەیێ كابینا نەهێ دا چەندین یانە ل دەڤەرێن جودا یێن پارێزگەهێ هاتینە دامەزراندن نموونە یانەیا دینارتە، شێلادزێ و بجێل دیسان بووینە خودان یاریگەهێن وەرزشی، یانەیا مە ژی ب شانازی ڤە ب پشتەڤانییا سەرۆكێ حوكمەتێ و پارتا مە هاتییە دامەزراندن لێ ب مخابنی ڤە هێشتا مە چو یاریگەهـێن ب وی شێوەیی نینن و ئەڤە یانە چوو د سالا خوە یا چارێ دا هێش یاریگەهـ نینە، لەوما ژی داخوازێ ژ سەرۆكێ حوكمەتێ و پارتا خوە دكەین دەڤەرا باتیفا یا شەهیدانە بشێن زێدەتر خزمەتا وەرزشا ڤێ دەڤەرێ بكەن و ئەم چاڤەڕێ ب جهئینانا سۆزا.
ژلایەكێ دووڤە ناڤهاتی گۆت: پێنەڤێت سال بۆ سالێ وەرزشا كوردستانێ بەر ب پێشڤە دچیت تایبەت ل پارێزگەهێن هەولێر و دهۆكێ بوویە ئەگەر ژی یاریزانێن یارییا فوتبۆلێ خودان شیان ل سەر ئاستێ خولا ستێرێن ئیراقێ و پلا نایاب بهێنە دیتن و یانەیێن عەرەبی ب كۆم یاریزانێن كوردستانێ بۆ ناڤ رێزێن تیمێن خوە گازی بكەن، دیسان هەبوونا خولێن پلا نایاب، ئێك و دو یێن كوردستانێ ژی ئاماژەیە ب هەبوونا پێشكەفتنا وەرزشێ، نە بتنێ ئەڤ یارییە بەلكو پرانییا یاریێن دی ژی وەكو تایكواندۆیێ، كیك بۆكسینگ، تەپا مێزێ، باسكێت بۆل و هەتا، ئەڤچەندە ژی ڤەدگەڕیت كو پشتەڤانییا بەردەوام و ئێكسەر یا رێزدار مەسرۆر بارزانی ل وەرزشا كوردستانێ وەكرییە هێدی وەرزش بەر ب پێشڤە بچیت و پێگاڤێن ئەرێنی ژی دهێنە هاڤێتن ئەوژی پشتی هەر یاریزانەك یان یانە رێزێن ئێكێ هەتا سێیێ ب دەستڤە بینت ژلایێ جەنابێ وی ڤە دهێنە خەلاتكرن،گەشبینن ئەڤ پێنگاڤە دێ بەردەوامبن.
ئەیهەم گۆلی ئەوچەندە ژی گۆت: ئێك ژ ئارمانجێن پارتی دیموكراتی كوردستان پشتەڤانییا وەرزشێ یە و هەبوونا زێدەتری 17 یانەیان ل پارێزگەهێ ل دەڤەڕێن جودا پووتەدانە ب وەرزشێ و پووتەدانە ب لاو و گەنجێن وەرزشڤان، وەكو یانەیا باتیفا ژی هەردەم ل سەر ڤێ ئارمانجێ ئەم بەردەوامین و یا دشیان دا بیت بۆ خزمەتا هەموو خەلكێ باتیفا كار بكەین وشیانێن گەنجێن وەرزشڤان د ناڤ چالاكیێن نافخوە و دەرڤە ببینە پێش لێ ئاریشەیا مە یا هەرە سەرەكی نەبوونا یاریگەهەكا فوتبۆلێ یە كو بشێن ب دروستی ئارمانجا خوە ب گەهینن و نەشیاینە یاریزانێن سنێلە و بەچكەشێران بۆ ئەكادیمیەكا وەرزشی كۆمڤە بكەین و پاشەرۆژەكا گەشتر یا وەرزشێ پەیدا بكەین، هەروەسان چو داهاتەكێ هوسا نینە بۆ لاوان ب كاربینن و دەڤەرا مە ژی دوورە ژ هەر وەبەرهەئێنانەكێ و دەواما مە دناڤا بنگەهەكێ وەرزشی یە و مە چو ماف نینە، هەرچەندە ب شادی ڤە دبێژم لەقێ هەشت، ئیدارا سەربەخوە و حوكمەتا هەرێمێ هاریكاربووینە لێ نە گەهشتییە یا پێدڤی .
ل دووماهیێ ناڤهاتی دپاتكر و گۆت: پێنەڤێت پشتەڤانی ب لیستا 190 پشتەڤانییە بۆ كەرتێ وەرزشێ پشتەڤانییا بۆ هەموو وەرزشڤانان، ژبەركو لیستا مللەتێ كوردە، پارتی چەند یا بهێز بیت دێ كەرتێ وەرزشێ بهێزتر بیت و ئاڤەدانی و پێكڤە ژیان ل كوردستانێ باشتر بیت و گەنج و لاوێن باتیفا و هەموو خەلكێ وێ پشتەڤانێن لیستا پارتی نە، ژبەركو پارتی خودانا ڤی مللەتی یە و خۆراگر بوویە بەرانبەر هەموو هێرشان، رێبازا بارزانیێ نەمر بەردەوامە و دێ بەردەوامبیت، گەشبینم ب لیستا 190 ژبەركو هەموو خالێن پێشكەفتنێ و سەركەفتنێ یێن ل دەڤ پارتی هەین و چو ئالیێن دی
