پێرێز: نووكرنا گرێبەستا كارڤاخالی كێمترین وەفادارییە بۆ دهێتە كرن
د پێنگاڤەكا كێم وێنە دا سەرۆكێ یانەیا ریال مەدرید یا ئسپانی بڕیار دا ب نووكرنا گرێبەستا ستێرێ تیما خوە یا فوتبۆلێ دانی كارڤاخال بۆ دو وەرزان سەرباری هنگاڤتنا وی یا مەزن ئەوا وەرزێ ئەڤ سالە بوو وی ب دووماهی ئینایی.
د یاریێن گەڕا بۆری دا بەرانبەر یانەیا ڤیاریال ژ خولا ئسپانیا كاپتنێ تیمێ كارڤاخال تووشی هنگاڤتنەكا مەزن بوو ب قەتیانا دو رهێن پێ یێن لایێ راستێ، راپۆرتا نۆژدارێ تیمێ پێشبینیكرییە كارڤاخال دێ هەتا شەش هەیڤێن دی دووركەڤیت ژ یاریگەهان.
فلۆرنتینۆ پێرێز بۆ دەزگەهێن ڕاگەهاندنێ گۆت: هنگاڤتنا كاپتنێ تیمێ دل ئێشە، ئێك ژ یاریزانێن گرنگە بۆ تیما مە و خودان دیرۆكە، مە نۆژدارێن خوە ئاگەهداركرییە هەر چ یا پێدڤی بۆ بهێتە كرن هەتا ب سلامەتی ڤەگەڕیت، گرێبەستا وی دێ ل خزیرانا سالا بهێت ب دووماهی هێت، لێ مە بڕیار دا گرێبەستا كارڤاخالی بۆ هەتا خزیرانا 2026ێ نوو بكەین وەكو كێمترین وەفاداری بەرانبەر خزمەتا وی بۆ یانەیا ریال مەدرید كری.
