زاخۆ به‌رهه‌ڤیان بۆ خولا كوردستانێ دكه‌ت
عەلی حاجی:
د داخویانیەکێ دا سەرپەرشتێ تیما فوتبۆلا یانه‌یا زاخۆد بۆ رۆژنامەیا ئەڤرۆ دیار کر وان گرێبه‌ستا ب كۆم بۆ 22 یاریزانێن کوڕێن خابووری ئیمزاكریه و دێ چار پێشەکاران ژی ل سه‌ر پێكهاتیێ تیمێ زێدە کەن، خوه به‌رهه‌ڤكرن بۆ وه‌رزێ نوو 2024-2025ێ یا خولا پلا نایابا كوردستانێ.
زێدەتر نەدیار عەلی گۆت: ل دووڤ پلانا كارگێرییا یانه‌یێ و باشترین به‌رهه‌ڤی بۆ وەرزێ نوو یێ خولا نایابا کوردستانێ وان گرێبه‌ست دگەل ڕاهێنەرێ نافخوه یێ خودان شیان بەناڤ ئەحمەد ئیمزاكرییه ژبۆ وه‌رگرتنا ئه‌ركێ راهێنه‌راتیێ، دیسان سەردار عومەر ژی وەکو هاریکارێ وی هاتیه ده‌ستنیشانكرن و نزار زاخۆیی ژی ب ئه‌ركێ ڕاهێنەرێ گولپارێزان هاتیه ڕاسپاردن و هەر دیسان ڕاهێنەرەکێ شیانێن جەستەیی ب رەگەز عەرەب ژی هاتییه دانان ژبۆ وه‌رگرتنا شیان و شاره‌زاهییا وی، ئه‌ڤچه‌نده هات به‌ری ئەم گرێبه‌ستا یاریزانان بۆ وه‌رزێ نوو ئیمزا بکەین، پشتی كادرێ راهێنانێ دڤچوونا ئاستێ وان كری و هژمارەیەکا زێدە یا یاریزانان دناڤا تاقیکرنا ڕاهێنەرێ مە دا بوون، پشتی رازیبوون ل سه‌ر هنده‌ك یاریزانان هاتینه وه‌كو قۆناغا ئێكێ یا به‌رهه‌ڤییان و پشتی دانۆستاندنێن به‌رده‌وام ب فه‌رمی گرێبه‌ست دگه‌ل 22 یاریزانان گرێدایە کو هەموو ژی کوڕ و گه‌نجێن باژێرێ زاخۆی نه، هەر دیسان ل دووڤ پلانا كارگێریێ گرێبه‌ستا چار یاریزانێن پێشەکار ژی هاتیه ئێکلا کرن و دێ دگەل تیما مە بن بۆ وەرزێ نوو یێ خولا نایابا کوردستانێ.
ناڤبری گۆت ژی: هه‌روه‌سان بۆ ب هێزكرنا رێزێن تیمێ تایبه‌ت ل هێلا ئێكێ، ب فه‌رمی گرێبه‌ست دگه‌ل دو گولپارێزان ژی هاتیه ئیمزا کرن، ده‌مه‌كێ نێزك دا دێ قۆناغا دویێ یا به‌رهه‌ڤییا ده‌ستپێكه‌ت و گه‌شبینن تیما مە دێ تیمەکا باش و هەڤڕک بیت د خولێ دا و ئەم دێ تیمەکا ب زەحمەت بین.
