قاره‌مانیه‌ك بۆ پشته‌ڤانییا لیستا 190 هاته ڤه‌كرن
مەحمود نهێلی:
ب بەرهەبوونا سەربەست لەزگین بەرپرسێ مەکتەبا ڕێکخستنا پارێزگەها دهوکێ یا پارتی دیموكراتی كوردستان و بەرەڤان حەمدی بەرپرسێ لقێ ١٨ و سەباح بەیتولا هاریکارێ بەرپرسێ مەکتەبا ڕێکخستن، قارەمانیەکا تەپا پێی بۆ (١٠) تیمێن مللی یێن ئامێدیێ هاتە ڤەکرن.
د پەیڤەکێ دا سەربەست لەزگی بەحس ل گرنگیا وەرزشێ کر و رۆلێ وەرزشڤانان ل مەحفەلێن دەولی و هەلویستێن گەنج و وەرزشڤانێن کوردستانێ دەمێ سەرکەفتنەکێ توماردکەن ب بلندکرنا ئالایێ پیرۆزێ کوردستانێ بلند نرخاند و تەکەز کر، حکومەتا هەرێمی و پارتی بەردوام گرنگیەکا مەزن ب وەرزشێ و وەرزشڤانان دایە و دێ د بەردوامبن و دەستخوشی ل خانم هاڤین ئەحمەد ئامێدی کاندیدا ژمارە (٤٥) ژ لیستا (١٩٠) یا پارتی کرن بۆ ڤەکرنا ڤێ قارەمانیێ و پشتەڤانیا وەرزشڤانێن گەنج و هیڤیا سەرکەفتنێ بۆ وێ و هەر چار کاندیدێن دی ژی یێن دەڤەرا ئامێدیێ خواست.
بۆ زانین مه‌كته‌با رێكخستنێ به‌رده‌وام پشته‌ڤانییا كه‌رتێ وه‌رزشێ كرییه ل ده‌ڤه‌رێ وه‌كو ئێك ژ خالێن سه‌ره‌كی یێن لیستا پارتی دیموكراتی كوردستان ژبۆ پشته‌ڤانییا هه‌موو وه‌رزشڤان پێخه‌مه‌ت پێشكه‌فتنا ئاستێ وه‌رزشی و ژێرخانه‌یا وه‌رزشی ل كوردستانێ و پارێزگه‌ها دهۆكێ.
