مەزنترین قارەمانییا یاریێن جەنگی ل دهۆكێ دێ هێتە ئەنجامدان
قەیس وەیس:
چاڤەڕێ دهێتە كرن حەفتییا بهێت ل ڕێكەفتی 13ێ چرییا ئێكێ باژێرێ دهۆكێ مێڤاندارییا قارەمانییا نێڤدەولەتی یا یارییا تیكۆنجتسۆ والسكی بكەت، ئەوا بڕیارە زێدەتری500 یاریزانێن كوڕو كچ ژ 25 وەلاتێن جیهانی بۆ ئاستێن جودا پشكداریێ تێدا بكەت و دهێتە پێشبینیكرن هەتا 17ێ ڤێ مەهێ بەردەوامبیت.
زێدەترل دۆر ڤێ یەكێ مەحمود ئیبراهیم عەلی سەرۆكێ فدراسیۆنا تیكۆنجتسۆ والسكییا ئیراقێ گۆت: ب شانازی ڤە هەرێما كوردستانێ و ئیراقێ ئێكەم مەزنترین قارەمانییا یاریێن جەنگی ب رێژەكا مەزن یا پشكدارن ل دهۆكێ بهێتە ئەنجامدان و ئەوا بڕیارە زێدەتری 500 یاریزانێن كچ و كوڕ بۆ ژیێن جودا پشكداربن و هەڤڕكیێن وان دێ ل دووڤ سیستەمێن یاریێ هەتا 15ێ ڤێ مەهێ یا بەردەوام بیت، ئەڤ روودانە مەزنترین چالاكییە ل سەر ئاستێ ئیراقێ و عەرەبی كو 25 وەلاتێن پشكدار دێ ژ كێشوەرێ، ئاسیا، ئەفریقیا و ئۆرۆپا بن، گەشبینم دێ قارەمانییەكا پڕی هەڤڕكی و سەركەفتی بیت، بۆ ڤێ قارەمانیێ ژی ب سۆپاس ڤە بەرپرسێن حوكمی و حزبی و دەزگەهێن وەرزش ب شێوەكێ گەلەك باش دگەل مە د هاریكارن و پشتەڤانن و ئەڤە ژی خالا سەرەكی یا سەركەفتنا ڤێ قارەمانیێ یە.
هەروەسان ناڤهاتی گۆت: ژێگرتنا باژێرێ دهۆكێ ل سەر ئاستێ هەمی باژێرێن ئیراقێ هات ژبەر هەبوونا خالێن سەركەفتنا قارەمانیێ ژ ئۆتێل، هۆلێن وەرزشی، پشتەڤانی و هەڤكارییا بەرپرسێن حكومی و گەشبینن دێ قارەمانیێن مەزنتر ژی ل پارێزگەها دهۆكێ هەبن و دێ سەركەفتی بن.
ژلایێ خوەڤە شیمال محەمەد سالح راهێنەرێ یانەیا ئافرەتێن دهۆك و هەلبژارتیێ ئیراقێ ل سەر ئاستێ كچان گۆت: پێخوەشحالین وەكو 25 راهێنەر و یاریزان ژ پارێزگەهێ د ناڤ رێزێن هەلبژارتیێ ئیراقێ دا پشكداری قارەمانییا نێڤدەولەتی بووینە، كو سێ راهێنەرین و 15 یاریزانێن كچ وحەفت یاریزانێن كوڕ بۆ ژیێن پێشكەفتی كوڕان، كچان و لاوان ژ سەرجەجێ 43 یاریزانێن ب ناڤێ هەلبژارتیێ ئیراقێ بۆ كێشێن جودا، هەموو یاریزان بەرهەڤن و رژدن بۆ دەستڤە ئینانا رێزێن پێشیێ سەرباری ئەركێ مە ب سانەهی نابیت بەرانبەر ئەوا هەلبژارتیێن كێشوەرێ ئاسیا، ئۆرۆپا و ئەفریقیا لێ یا دشیان دابیت دێ گەهینە دەستكەڤتان.
