حه‌مید ئیسماعیل: دێ مفای ژ ڕاوه‌ستیانا خولێ وه‌رگرین
زاخۆ،عەلی حاجی :
د داخویانیەکێ دا سەرپەرشتێ تیما فوتبۆلا یانه‌یا زاخۆ ئه‌وا پشکدار د خولا ستێرێن ئیراقێ بۆ رۆژنامەیا ئەڤرۆ دیار کر ئه‌وان کەمپەکێ نافخۆ دانایە و ئەو کار ل سەر باشترکرنا شیانێن جەستەیی یێن یاریزانان دکەن.
زێدەتر حەمید ئیسماعیل گۆت: هه‌رچه‌نده ڕاوەستیانا خولێ ب شێوەیەکێ گشتی د بەرژەوەندیا تیما مە دا نەبوو ژبەر کو كه‌فت بوو ل سه‌ر رێیه‌كا دروست و سه‌ركه‌فتنان و شیابوون ئاستەکێ باش پێشکێش بکەن و هه‌موو یاریزان ل سه‌ر پلان و به‌رنامه‌یێن ڕاهێنه‌ر هاتبوونه به‌رهه‌ڤكرن، دبیت ڤه‌قه‌تیانه‌كا درێژبیت دناڤبه‌را یارییا سێیێ و چارێ ژ خولێ، لێ مه به‌رنامه دانایه و داکو ئەم بشێن ئاستێ جەستەیی یاریزانان باشتر بکەین و هەماهەنگیەکا باشتر دروست بکەین بۆ دەمێ چەند رۆژان کەمپەکێ نافخوه‌یی بۆ تیمێ هاتیە رێکخستن و رۆژانە ژی یەکەیێن راهێنانێ یێن شیانێن جەستەیی و هونەری دهێنە ئەنجامدان، ل دووڤ پلانا مه گه‌شبینن تیما مە دێ ب شێوەیەکێ باش مفایی ژ ڕاوەستیانا خولێ وەرگریت و ئەم بەردەوام کار دکەین ژ بۆ هندێ باشتر بەرهەڤ ببین بۆ یاریێن بهێت ژ خولێ، ئه‌و بەرنامەیێ هاتیە دانان رێكوپێك بوویه و هەتا ڕادەیەکێ باش ژی کار ب وی بەرنامەیی دهێتە کرن.
ناڤبری گۆت ژی: د پلانا مە دایە یارییەکا هەڤالینی هەڤالینی ژی ئەنجام بدەین داکو یاریزانێن ژ سروشتێ یاریان دویر نەکەڤن و هەر سەر کەش و هەوایێ یاریان بمینن.
