دو كچێن دهۆكێ پلێتا ڤاڤارتنێن قارەمانییا جیهانى ب دەستڤە ئینان
شاهۆ فەرید:
ب فەرمی دو كچێن پارێزگەهێ و یانەیا دهۆك دێ نوونەراتییا هەلبژارتیێ ئیراقێ دا كەن، پشتی شیایین رێزێن سێیێ و چاری د قارەمانییا ئیراقێ یا تێنسا ئەردی دا ب دەستڤە بینن، د هەڤڕكیێن واندا ئەوا ب پشكدارییا 11 یاریزانێن كچ ل سەر ئاستێ ئیراقێ یێن پلەدارێن ئێكێ ل هەولێرا پایتەخت هاتینە كرن.
ل دۆر ڤی یەكێ سەعید خەلیل سەرۆكێ فدراسیۆنا تێنسا ئەردی ل پارێزگەها دهۆكێ و ئەندامێ قدراسیۆنا هەمان یاری ل ئیراقێ بۆ رۆژنامەیا ئەڤرۆ گۆت: ئەڤ قارەمانییە وەكو ڤاڤارتنەك بۆ ژبۆ ژێگرتنا چار یاریزان بۆ ڤاڤارتنێن كێشوەرێ ئاسیا دەربازبوون بۆ قارەمانییا جیهانی، 11 باشترین یاریزانێن كچ ل سەر ئاستێ ئیراقێ و هەرێما كوردستانێ پشكدار بوون، پشتی هەڤڕكیەكا دژوار هەرچار یاریزانێن ئێكێ بڤی شێوەیی بوون ئەوێن دێ نوونەراتییا ئیراقێ كەن، ئەو ژی، نور زیاد رێزا ئێكێ، شۆغێر رافی رێزا دویێ، لارا ئاڤدەل رێزا دویێ و زەلال سەعید رێزا چارێ هاتن.
هەروەسان ناڤهاتی گۆت: پشتی ب دووماهی هاتنا ڤێ قارەمانیێ دێ بەرهەڤییان بۆ ڤاڤارتنێن قارەمانیا جیهانێ كەن ئەو بڕیارە 23ێ چریا دویێ ل وەلاتێ بەحرینێ بهینە ئەنجامدان، ژبۆ پتر یاریزان تێكەلی گەش و هەوایێ ڤاڤارتنان بن بڕیارە بەریا دەستپێكرنا قارەمانیێ دو حەفتیان كەمپەكێ راهێنانێ ل وەلاتێ بەحرینێ بهێتەدانان دا یاریزان ب باشترین شێوە بەرهەڤ بیت.
