بەرهەڤی د بەردەوامن و دخوازم حوكمەتا هەرێمێ كێشا ڤیزەیێ چارەسەر بكەت
شاهۆ فەرید:
د دیدارەكێ دا یاریزانێ یارییا لەشجوانیێ و قارەمانێ جیهانی حەجی رێكانی ل دور دووماهیك بەرهەڤیێن خوە بۆ قارەمانیا ماستەر ئۆلمپی یا نێڤدەولەتی دیار كر ل سەر ئاستەكێ باش بەرهەڤیێن من بۆ ڤاڤارتنیێن قارەمانیا ماستەر ئۆلمپیا یا نێڤدەولەتی دهێنە كرن.
زێدەتر ناڤهاتی بۆ رۆژنامەیا ئەڤرۆ گۆت: ئەڤ قارەمانییە دهێتە هژمارتن دووماهیك قارمانیا ل سەر ئاستێ بلندێ لەشجوانیێ كو ل هەموو جیهانێ دا هاتییە پەسەندكرن تایبەتمەندە ب یاریزانێ خودان ماستەر، ژ بەركو مەرجێن پشكدارییا قارەمانیێ ل دەڤ من هەنە چنكو هەلگریێ پلێتا پێشەكاریێ یا باوەرپێكریی مە ژلایێ فدراسیۆنا جیهانیا بۆ یارییا لەشجوانیێ، بڕیارە هەڤڕكیێن ڤێ قارەمانیێ ل وەلاتێ رۆمانیا بهێتە كرن د ناڤبەرا نەهـ و10ێ چریا دویێ یا بهێت دەستپێبكەت، ژ هەرێما كوردستانێ و ل سەر ئاستێ دهۆكێ ئەم سێ هەلگرێن ڤان پلێتاینە ئەز و یاریزانان ئەحمەد فەوزی و ئازاد شنگالی لێ مخابنی ڤە هەردو هەڤالێن مە ژبەر چەند ئەگەرا نەشیان پشكداربن، هەر ژ دەستپێكا من بۆ ناڤا یاریا لەشجوانیێ من ژ هەمی ئاستێن ناڤخوەیی و پاشی ل سەر ئاستێ ئیراقێ دووڤ دا ئاسیا هەتا گەهشتیمە ئاستێ نوكە تێدا هەموو ژی پلەیا ئێكێ من دەستڤە ئیناینە.
حەجی رێكانی گۆت ژی: گەشبینم بۆ دەستڤە ئینانا ناسناڤی ئیكێ بۆ وان شیانێن خودێ داینە من و یا دویێ جەماوەرێ من هەردەم پالپشتە و هێز و شیانان دەتە من، ژبەر كو من هەتا نوكە دیارنە كریە چ قارەمانییە دێ پشكداربم پالپشتی نەهاتیە دیار كرن، قارەمانێن پێشتر پالپشتیا سەرۆك وەزیران مەسرور بارزانی پشكداریی كریە، مخابن ئەم نە هەلگرێن ناسناما كوردستانی نە وەكو خودان وەلاتەكێ سەربەخوە ل سەر ئاستێ جیهانێ بەلێ هەكە هات و من قارەمانیا ماستەر ئۆلمپیا نێڤدەولەتی ب دەستڤە ئینا پێنەڤێت دێ ب شانازی ئالایێ كوردستانێ بلندكەم و دگەل دا یێ ئیراقێ پێكڤە هەلگرم.
ژلایەكێ دووڤە ناڤهاتی ئەوچەندە ژی گۆت: بڕێیا رۆژنامەیا ئەڤرۆ پەیاما خوە دگەهینمە جهێن شۆلەژێ هاریكاربن ل گەل من بۆ دەستڤە ئینانا ڤیزا وەلاتێ مێڤاندار دا بشێم پشكداریێ بكەم، چونكو مۆرالا من هەرا بلندە من دیێت پشكداریەكا سەرفەراز و ب ئەنجام دڤێ قارەمانیێ بكەم، كێشا دەستڤە ئینانا ڤیزیێ بۆ من بهێتە چارەسەركرن.
