ماركا: چ مەترسی ل سەر ستێرا بەرشەلۆنا نینن
پشتی هنگاڤتنا ستێرێ گەنج یێ یانەیا بەرشەلونە لامین جەمال دیارییا دناڤبەرا هەلبژارتیێ وی ئسپانیا و دانیمارك دا، دووماهی پشكنینێن نۆژداری دیار كرییە كول امین تووشی گڤاشتنەكا بێ زەرە د رهێن ڕانێ خوە بوویە.
رۆژنامەیا ماركا یا ئسپانی ل سەر داخویانییا لژنەیا نۆژداری یا یانەیا بەرشەلۆنا دیار كرییە كو لامین جەمال یێ 17 سالی تووشی گڤاشتنەكێ د ناڤا رهێن ڕانێ خوە بوویە و چو زەرەرێن مەزن نینن، پێدڤی ب بهێنڤەدانێ و چارەسەریا ڤیزیكی یە ئانكو مەترسی ل سەر نینە، لەوما ژی بۆ یاریێن بهێت ژ چامپیۆنز لیگ بەرانبەر بایرن میونخ و لالیگا یا ئسپانی بەرانبەر ریال مەدرید دێ بەرهەڤ بیت، لێ بۆ یارییا ئێكشەمبییا بهێت بەرانبەر سیڤییا ژ خولا ئسپانیا دوور نینە بكەت.