دانـانـا كهمپا ڕاهێنانـان ژبۆ پـاراستنا ئـاستێ یاریزانـانه
عەلی حاجی:
د داخویانیەکێ دا سەرپەرشتێ تیما زاخۆ یا پشکدار د خولا ستێرێن ئیراقێ یا فوتبۆلێ دا بۆ رۆژنامەیا ئەڤرۆ ڕاگەهاند دگەل ڕاوەستیانا خولێ کەمپەکێ نافخۆیی بۆ تیمێ هاتیهدانان وان نەڤێت یاریزانێن وان ژ کەشوهەوایێ خولێ دووربکەڤن.
زێدەتر حەمید ئیسماعیل گۆت: ڕاوەستیانا خولێ کارتێکرنەکا ڕاستەوخۆ ل سەر یاریزانان هەیە ژبەرکو دەمەکێ کێم بوو هەموو یاریزان کەڤتینە سەر کەشوهەوایێ خولێ لێ ژبەر هەلبژارتیان خول هاتیە ڕاوەستاندن، داکو ئەم نەهێلین یاریزان ژ سهقایێ خولێ دوور نهکەڤن و پاراستنێ ل سەر شیانێن وان یێن جەستەیی بکەین، کەمپێ نافخۆیی هاتیهدانان رۆژانە دو یەکەیێن ڕاهێنانان دهێنە ئەنجامدان، ل دانێ سپێدێ ڕاهێنانێن تایبەت ب شیانێن جەستەیی ڤە دهێنە کرن، ل دانێ ئێڤاری ڕاهێنانێن هونەری، یا گرنگ کار لسەر خالێن لاوازیان بکەین و هەماهەنگیێ دناڤبەرا یاریزانان باشتر بکەین، تیما مە رەوشەکا باش دەرباز دكهت، یاریێن ب هێز ل پێشیا مە ههنه لێ بۆ هەموو یاریان دێ ئامادە بین.
بۆ زانین تیما فوتبۆلا یانهیا زاخۆ سێ یاری د خولا ستێرێن ئیراقێ دا ئهنجامداینه، یاری بهرانبهر تهلهبه و نهورۆز وهكههڤ بووینه، یا سێیێ بهرانبهر كهربهلا ب پێنج گۆلێن پاقژ سهركهڤت بوو، بریاره یارییا بهێت ل 25ێ ڤێ مههێ بیته مێڤانا یانهیا زهورا یا بهغدایی.