زیاد ئەحمەد: چوونا من بۆ یانەیا ناسرییە رژدییە ل سەر ڤەگەڕاندنا ئاستێ خوە
شاهۆ فەرید:
د دیدارەكا كورت دا ستێرێ پارێزگەها دهۆكێ و یاریزان زیاد ئەحمەد گەشبینییا خوە دیار دكەت كو دوبارە ئاستێ خوە یێ جاران ڤەگەڕینت، ئەڤچەندە هات پشتی ب فەرمی یاریزانێ ناڤهاتی و پێشتر یێ یانەیا دهۆك پەیوەندی ب یانەیا ناسریە كر بۆ وەزرێ نوو یێ خولا پلەیا نایاب ئیراقێ یا فوتبۆلێ.
زێدەتر ناڤهاتی بۆ رۆژنامەیا ئەڤرۆ گۆت: هەرچەندە گرێبەستا من دگەل یانەیا ناسریە بتنێ بۆ ئێك وەرزە، هیڤیا من ئەوە بشێم ڤی وەرزی نوو ئاستەكێ باشتر نیشان بدەم ژ جاران ڤەگەر مە ئاستێ خوە یێ بەرێ و باشتر و رژدم ل سەر ڤێ ئارمانجێ و دێ خوە ماندیكەم، دیسان هیڤیا من ئەوە بشێم یانەیا خوە یا نوو دەربازبكە مە خولا ستێرێن ئیراقێ بۆ وەرزێ بهێت، چونكو ئەڤێ یانەیێ ب شێوەكێ باش و ڕێكخستی بەرهەڤیێن خوە كرینە و ئارمانجا وان ژی دەربازبوونە.
ژلایەكێ دووڤە زیاد ئەحمەد ئەوچەندە ژی دیار كر و گۆت: یانەیێن ئیراقێ پتر گرنگیێ ب یاریزانێن كورد ددەن و پتر پووتەدانێ پێ دەنێ، گەلەك یانە هەنە هەتا نوكە بزاڤێن مەزن دكەن ژبۆ دەستڤە ئینانا یاریزانێن كورد تایبەت یێن دهۆكێ و هەولێرێ، گەلەك تشێن دی هەنە لێ هەتا دەمێ وان بهێت دێ ل سەر ئاخڤم و ئاشكەرا كەم و هەر گۆتنەكێ ژی دەمێ خوە دێ هەبیت.
