كرێستانتی: چ كودەتا ل سەر مۆرینیۆیی نە هاتیە كرن
یاریزانێ هێلا ناڤین یێ یانەیا رۆما یا ئیتالی دیار كر چو ڕاستی بۆ هەبوونا كودەتایێ ل سەر راهێنەرێ پێشتر یێ تیما مە جوزێ مۆرینیۆی، ئەوێ ل دەستپێكا سالا 2024ێ ژ یانەیێ هاتییە دۆرئێخستن ژ بەر ئەنجامێن لاواز یێن یانەیێ.
بڕیان كرێستانتی بۆ رۆژنامەیا كورێری دیلۆ سپۆرت گۆت: ب چو ڕەنگان یاریزانێن رۆما كودەتا ل سەر مۆرینیۆیی نە كرییە و ئەو گۆتنە دوورن ژ ڕاستیێ، ئەو چێبووی ئەو باشتر ژ مە دزانیت، ئەگەرێن دوورئێخستنا وی ژبەر ئەنجامێن خراب بوو وەكو بۆ مە هاتییە شلۆڤەكرن، لێ ئەو ب تنێ ژی ئەگەرێ خوسارەتییان نینە، بەرۆڤاژی هەموو یاریزانان خواست مۆرینیۆ بەردەوام بیت.
هەروەسان ناڤهاتی پەسنا راهێنەرێ نوو دانیێل دی رۆسی كر و گۆت: راهێنەرەكێ نموونەیە وەكو برا و هەڤال دگەل مەیە، ئەم هەموو پێكڤە كار دكەین بۆ ڤەگەڕاندنا یانەیێ بۆ چامپیۆنز لیگ، د نوكە دا ئەم ل سەر پلانەكا باش بڕێڤە دچین.
