گولاڤ
سەگڤان ئەحمەد
چ گولاڤ بوو تە بۆ من كر دیاری
بێهنا عەشق و ئەڤینێ ژێ د باری
ئەی جانترین شەنگە گولا ڤی واری
دێ هەلگرم دا بۆ من بت یادگاری
هەمی سپێدا دێ ل دلێ خوە ڕەشینم
دا بزانی بۆ تە بتنێ بئەڤینم
زینا منی ئەز بۆتە مەمێ دینم
ئەڤیندارم تو ژی یا ئەڤینداری
وەرە پێكڤە برێسین تەڤنێ ڤینێ
ژ دل ئەز تو ئاڤاكین كەلها ژینێ
كانێ دەرمان ژ بۆ ئەڤێ برینێ ؟
بۆ دلێ من بەس تو بتنێ نۆژداری
د ڤینا تە دا بێزارم هەمی دەما
یا ژمن دویری دگەل كۆڤانا دكم سەما
كەنگی دێ هێی ژ دلی برەڤینی خەما
وەرە دەف من دیسا ب وی كار و باری
دپەرستگەها ڤینا تەدا دەروێشم
ئەز نەخوەشم ژ بۆ عەشقا تە دئێشم
وەرە جارەك هەناسا تە بهەلكێشم
لبەژنا تە دئێت ئەو ڕەنگێ شینێ تاری
من تو دڤێ ئەڤە ژبەری سێ سالا
ژ هینگێ وەرە ئەز دژیم لناڤ خەیالا
بۆ عەشقا تە من یا هەلگرتی ئالا
ژ هەمی وەرزا بتنێ بۆمن بوهاری
