بچووكترین بالندە ل سەر ئەختەرا مە
ب: محەمەد خەلات
سۆراكاف ـ (طنان) وەكو بچووكترین جۆرێ بالندەیانە، هندەك پێزانینێن كورت من ل سەر كۆمكرینە، ئەو ژی ل نیڤا ڕۆژئاڤایێ تەپا ئەردی دژیت، گەلەك حەز وان جهان دكەت یێن گەلەك گول لێ هەیین، درێژییا ڤی بالندەی دگەهیتە (٥) سانتیمان و كێشا لەشێ وی ل دووڤ جۆرێ وی دهێتەگوهۆڕین، ئەو ژی د ناڤبەرا (۱.٦- ٥.۹) گرامایە. ژییێ وی دگەهیتە (۳- ٥) سالان (۳۰۰) جۆرێن ڤی بالندەی ب تنێ ل هەردو ئەمریكایان دژین، ئەڤ بالندە هووركێ داری و مێشومورێن بچووك دخوت، قەلەڕەش و تەیرێن باز نەیارێن وی یێن سەرەكینە، دشێت (٦۰- ۷۰) لڤینان د چركەكێ دا بكەت، پەرێ وی د هەر چڕكەیەكێ دا (٨۰) جاران دلڤیت و د دەمێ جۆتبوونێ دا هەتا (۲۰۰) جاران دلڤیت، لڤینێن دلێ وی د هەر خولەكەكێ دا دگەهنە (۱۲٦۰) لڤینان، هەروەسا ڤی بالندەی پەرەكێ ڕەنگاوڕەنگ یێ هەیی كو هەر چڕكەكێ ڕەنگ دهێتە گوهۆڕین، ئەو ژی ژبەر هەبوونا تیڤلەكێ تەنگ یێ ماددەیا كویراتینی ل سەر دەمێ تیژكا ڕۆژێ دكەڤیت سەر هەر تیڤلەكێ هندەك ژ وێ تیژكێ دزڤڕینیت و هندەك تیژكا دی د ناڤڕا دەرباز دبیت داكو بگەهیت چینێن دی و گوهۆڕینێ بئێخیت د ڕەنگان دا، حەمد و سوپاسی و مەزنی هەر بۆ وی خوداینە یێ ئەڤ بالندە ب ڤی شێوەیێ جوان و سەرنجڕاكێش ئافراندی، سوبحانا خودێ بۆ ڤێ ئافراندنا ب داهێنان.
