كوالێتیا دوبلاژێ وەكو بەرێ نەمایە
بێوارحەمدی:
ماسترینگ و سەرپەرشتێ دوبلاژێ (ئۆمێد ئیسماعیل) د دیدارەكێ دا بۆ رۆژناما ئەڤرۆ گۆت: ژ سالا 2014 وەرە ئەز كارێ دوبلاژێ دكەم، ل دەستپێكێ وەكو ماسترینگ من كاردكر، پاشی من كارێ سەرپەرشتیا دوبلاژێ ژی كر و نوكە ئەز ل گەل كۆمپانیا نۆژین پرۆدەكشن كاردكەم.
هەروەسا گۆت: ب دیتنا من نوكە دیتنا زنجیرەیێن بیانی یێن دوبلاژكری بەر ب كێمبوونێ ڤە چوویە، ژبەركو پشتی دەركەفتنا سۆشیالێ و پێشكەفتنا تەكنۆلۆژیایێ وەك بەرێ نەمایە و ب مخابنی ڤە ژی نوكە كوالێتیا دوبلاژێ ژی كێم بوویە و وەكو بەرێ نەمایە، چنكو دەمێ پارە نەبیت یان كێم بیت كوالێتی ژی لاواز دبیت، لێ هەرچاوا بیت ئەو كەسێ دڤێت ببیتە سەرپەرشتەكێ زیرەك و خودان شیان دڤێت گوهەكێ باش هەبیت ژبۆ ژێكجوودانكرنا دەنگان.
