چینگ كینۆین هێزه‌كا نوویه زه‌نگلا ترسێ بۆ پله‌داران لێدا
ستێرا چینی و یاریزانا یارییا تێنسا ئه‌ردی چینگ كینۆین بوویه هێزه‌كا نوو پشتی شیایی د ماوه‌یێ سالا 2024ێ دا هه‌ر ژ رێزبه‌ندیێن پێنجی یان دا نوكه ل رێزا حه‌فتێ دهێت د دووماهی رێزبه‌ندییا باشترین یاریزانێن كچ ئه‌وا ژلایێ فدراسیۆنا جیهانی بۆ یاریزانێن پیشه‌كار به‌لاڤ دكه‌ت.
رۆژنامه‌یا دیپۆرتیڤۆ لاكازیتا یا ئسپانی دیار كر كو سه‌ركه‌فتنێن ستێرا چینی چینگ كینۆین د ماوه‌یێ 10 هه‌یڤان دا شیایه ب گه‌هیته باشترین پله‌یا جیهانی و بۆ جارا ئێكێ د دیرۆكا خوه دا بگه‌هیته رێزا حه‌فتێ ب كۆمكرنا 4540 خالان، ئه‌ڤ چه‌نده بوویه جهێ به‌حس و دڤچوونێ ژلایێ ده‌زگه‌هێن ڕاگه‌هاندنێ وه‌كو هێزه‌كا نوو خویاكرییه و زه‌نگلا ترسێ بۆ ئه‌وان یاریزانێن رێزبه‌ندیا پێشیێ لێدایه.
بۆ زانین ددووماهی پشكدارییا خوه دا چینگ كینۆین ناسناڤێ قاره‌مانییا بان باسیڤێك یا ڤه‌كری یا تێنسێ ل تۆكیۆ پایته‌خێ چاپانێ و جهه‌كی دناڤ پیشه‌كارێن جیهانێ بۆ وه‌رزێ 2024ێ پارێزیت كو دبیته ناسناڤێ سێیێ بۆ چینگا 25 سالی د ماوه‌یێ چار هه‌یڤاندا ل دووڤ ئێك ب ده‌ستڤه دئینیت.
