ل نێزیك دێ كلیپەكا نوو بەلاڤكەم
زنار تۆڤی:
سترانبێژ (دونیا بەرواری) د دیدارەكێ دا بۆ رۆژناما ئەڤرۆ گۆت: ئەڤە دەه سالن ئەز سترانان دبێژم، هەتا نوكە من دو ئەلبۆمێن سترانان، ل گەل 9 كلیپان و هندەك سترانێن سینگل بەلاڤكرینە، من سترانەكا دوقۆلی ژی ب ناڤێ (ژارێ زینێ) ل گەل هونەرمەند سەمیر زاخۆیی گۆتیە، د وان هەموو كارێن هونەری یێن من ئەنجامداین، هونەرمەندێ خودێ ژێ رازی، (عادل حاجی) گەلەك هاریكاریا من كریە، د هەموو وارێن هونەری دا و ب تایبەتی ژی د وارێ ژەنین و چێكرن و تۆماركرنا مۆزیكێ بۆ هەموو بەرهەمێن من یێن هونەری، دیسان هونەرمەند سدقی بناڤی ژی، د وارێ هەلبەستێ و ئاوازان دا گەلەك هاریكاریا من كریە.
دونیایێ گۆت: ل چەند رۆژێن بۆری، سترانا كەسەرا خورتێ دلبرین، كو ئەو سترانە ب دەنگێ هونەرمەندێ نەمر ئەردەوان زاخۆیی ڤە هاتیە گۆتن، من كلیپكریە، وێنەگر جانسۆ ب كارێ وینەكرن و دەرهێنانا وێ كلیپێ رابوویە، ل دەمەكێ نێزیك دێ بەلاڤكەم، هەروەسا د نوكە دا، د وارێ مادی دا كەس هاریكاریا من ناكەت بۆ چێكرنا ستران و كلیپان، ب تنێ ئەز ب خوە مەزاختنێ لێ دكەم، دیسان ل ڤان نێزیكان دێ سترانەكا دی ب ناڤێ(لاوێ من د عەشقا تەدا) دێ تۆماركەم و كلیپكەم، ئەو ستران، ژ پەیڤ و ئاوازێن هونەرمەند (عەبدولقەهار زاخۆیی) نە و من ل بەرە هندەك سترانێن دی ژی تۆماربكەم.
