گەنجەكێ دهۆكێ فەرهەنگەكا كوردی – ئەلمانی بەرهەڤكریە
هەرهین محەمەد:
رەوان لوقمان، گەنجەكێ باژێرێ دهۆكێ یە، بەری چەندەكێ رابوویە ب چێكرنا پرتووكەكێ ب ناڤێ (ل مال فێری زمانێ ئەلمانی ببە) و مەرەما وی خزمەتكرنا زمانێ كوردی یە.
ناڤهاتی، د دیدارەكێ دا بۆ رۆژناما ئەڤرۆ گۆت: هەركەسەكێ ئەڤێ فەرهەنگێ بخوینیت دێ ل دەستپێكێ زانیت ئەلمانیا چیە و فەرهەنگێ دیرۆك و خواندنا ئەلمانی یا تێدا، دیسان هەر پەیڤەك و پیتەكا هەبیت و چاوانیا خواندنا وان تێدا هاتیە دیاركرن، هەروەسا ل لاپەرێ هەشتێ و نەهێ رێزمانا ئەلمانی من وەرگێرایە بۆ زارێ كرمانجی و ئەڤ بۆ جارا ئێكێ یە ل دەڤەرا بەهدینان ئەڤ چەندە دهێتە كرن
هەروەسا گۆت: هەر زمانەكێ مرۆڤ ب زانیت هەچە كو مرۆڤەك ل گەل مرۆڤی زێدەبووی، ئانكو كەسەكێ دی دئینتە هەبوونێ و زمانێ ئەلمانی ژی زمانێ حەفتێ دهێت ل جیهانێ ب زەحمەتیێ، هەروەسا رێزمانا وێ ژی ل پلەیا سیێ دهێت ب زەحمەتیێ و ژدایكبوویێ وەلاتێ سویسرا مە ب زمانێ سویسری ب چار زاراڤان د ئاخڤم و هەروەسان چار زمانان ژی دزانم و زمانی گەلەك گرنیا خوە بۆ مرۆڤی هەیە و دەمێ مرۆڤ ژ بۆ خواندنێ و یان هەتشتەكێ دی سەرەدانا وەلاتێن بیانی دكەت دڤێت مرۆڤ زمانێ ئەوان بزانیت و هەكە نەزانیت مرۆڤ وەكو كەسێن نابین دێ هێت هژمارتن.
