هەر سترانبێژەك نەشێت حەیرانان بێژیت
سولین سلێمان:
سترانبێژ (كارمەند رەواندزی) د دیدارەكێ دا بۆ رۆژناما ئەڤرۆ گۆت: ئەز ب باشی دبینم دەمێ كەسەك دەست ب سترانگۆتنێ دكەت ژ سترانێن فۆلكلۆری دەستپێبكەت، هەتا باش شارەزا بیت پاشی سترانێن تایبەت بۆخوە چێكەت، یان هندەك بۆ چێكەن.
ناڤهاتی گۆت: بەردەوام من سترانێن نوو هەنە، لێ رەنگە تۆماركرن و كلیپكرنا وان بۆ من یا ب زەحمەت بیت، چنكو هاریكاری نینە، لەورا ئەز دچمە ئاهەنگ و لایڤ مۆزیكان و خەلەك پتر من وەك حەیرانبێژ دنیاسن، چنكو ئەز بەردەوام گوهێ خوە ددەمە حەیرانبێژێ خودێ ژێ رازی(حەسەن سیساوەیی) و ژوی فێری حەیرانگۆتنێ بوویمە، بۆ زانین هەرسترانبێژەك نەشێت حەیرانان بێژیت، چنكو حەیران ب خوە مۆركەكا رەسەنا كوردی یە دڤێت ب زیندی بمینیت.
