ماستەرپلانا گەشتیاری كەفتە د بیاڤـێ بجهئینانێ دا
هەولێر، قائید میرۆ:
بۆ جارا ئێكێ یە ل رۆژهەلاتا ناڤین ماستەرپلانەكا گەشتیاری ل ئیدارەیا سەربخۆ یا سۆران دهێتە بجهئینان و پەیڤدارێ ئیدارەیا سەربخۆ یا سۆران ژی دبێژیت: ب شێوەیەكێ سەردەمیانە كەرتێ گەشتیاری ل سۆران دێ هێتە ڤەژاندن.
هەژار حەكیم، پەیڤدارێ ئیدارەیا سەربخۆ یا سۆران بۆ رۆژناما ئەڤرۆ دیار كر، ماستەرپلانا گەشتوگوزارا سۆران ژ ئالیێ تیمەكا بیانی ڤە هاتیە بەرهەڤكرن و كەفتیە د بیاڤێ بجهئینانێ دا و گۆت: «ژ نوكە پێڤە ب شێوەیەكێ سەردەمیانە كار بۆ ڤەژاندنا كەرتێ گەشتیاری ل سۆران دێ هێتە كرن و ب دەهان پڕۆژەیێن گەشتیاری دێ چنە د بیاڤێ بجهئینانێ دا».
هەژار حەكیم گۆتژی: «ب دەهان دەڤەرێن گەشتیاری ل سۆران هەنە و سالانە هەژمارەكا بەرچاڤ یا گەشتیاران ل هەموو دەڤەرێن ئیراقێ و دەرڤە ژی سەرەدانا جهێن گەشتیاری یێن سۆران دكەن، بۆ جارا ئێكێ یە ل سەر ئاستێ رۆژهەلاتا ناڤین ماستەرپلانەكا گەشتیاری دهێتە دانان».
