ڕوونشتنەك ل دۆر چاوانیا پێشڤەچوونا پڕۆژەیێ بەرهەمێ كۆمپۆستێ خۆمالی هاتە ئەنجامدان
ب ئامادەبوونا ماجد سەید سالح، جێگرێ پارێزگارێ دهۆكێ و ئەندازیار دیار بەحری، ڕێڤەبەرێ گشتی یێ باژێرڤانیان و چەندین ڕێڤەبەرێن دام و دەزگەهێن جودا و ڕێكخراوێن نەحكومی، ڕێڤەبەریا گشتی یا باژێرڤانیان ل پارێزگەها دهۆكێ و ب پشتەڤانیا رێكخراوا كار «ILO»یا جیهانی دوهی 6/11/2024 ڕوونشتەك ل ئۆتێلا كریكسوس ل دۆر پڕۆژەیێ هاندان و پشتەڤانیكرنا بەرهەمێ كۆمپۆستێ خۆمالی یێ رێڤەبەریا كارگەها جوداكرنا گلێشی ل كواشێ ئەنجامدا.
جێگرێ پارێزگارێ دهۆكێ د پەیڤەكێ دا دیاركر، كو بابەتێ جوداكرنا بەرمایكان و ڤەگەڕاندن بۆ چێكرنا كۆمپۆستی و سەرەدەریەكا زانستی د گەل دا ئێك ژ بابەتێن گرنگە و ڤەگەڕاندنا جۆرێن بەرمایكان پاقژیەكا دی ددەتە دەڤەرێ ب گشتی و پشتەڤانیەكا ڕاستەوخۆیە بۆ كەرتێ ساخلەمیێ و ساخلەمیا وەلاتیان و پەیداكرنا دەلیڤەیێن كارییە.
دیسا بناڤێ پارێزگارێ دهۆكێ دەستخوشی ل رێڤەبەریا گشتی یا باژێرڤانیان و هەڤكارێن د گەل دا كر و پشتەڤانیا كارگێریا پارێزگەهێ بۆ سەركەفتنا پڕۆژەی دیاركر.
