كەسێن نەنیاس ل ئاكرێ گۆڕان دكۆلن و جهێن شـوونواری تێـك ددەن
ل گوندێ بەیبووناڤا ل سنوورێ دەڤەرداریا ئاكرێ هندەك كەس و گروپێن نەنیاس گۆڕان هەلدكۆلن و ل كەرەستەیێن بهاگران دگەڕن.
هیوا شەمال، رێڤەبەری شوونوار و كەلەپۆرێن ئاكرێ بۆ ئەڤرۆ گۆت: «ئاكرێ ب چەندین جهێن شوونواری و دیرۆكی یا زەنگینە، لێ مخابن چەندین جهێن شوونواری ل دەڤەرێ ژ لایێ هندەك كەس و گروپێن نەنیاس ڤە هاتینە تێكدان، مەبەست ژێ تێكدانا دیرۆكا شوونوارێن ئاكرێیە، دیسا مەبەست ژ كۆلانا گۆران ژی بۆ ب دەستڤەئینانا كەرەستەیێن بهاگرانە».
ناڤبری گۆتژی: «ئەم ل گەل جهێن پەیوەندیدار ل سەر خەتین، بۆ وێ چەندێ ئەڤ كەسێن ئەڤ كارێن تێكدانا جهێن شوونواری ئەنحام ددەن، بگەهنە سزایێ خۆ یێ یاسایی، ل گۆر یاسایا پاراستنا شوونواران یا هژمارە 5 سالا 2021، ئەگەر جهەك بهێتە تێكدان، دڤێت ئەو جهە ژ لایێ كەسێن تێكدەر ڤە بهێتە قەرەبووكرن».
هیوای زێدەتر گۆت: «حەفت كەس ل سەر تێكدانا جهێن شوونواری ل دەڤەرێ هاتینە دەستەسەركرن و سێ كەیس ژی ل دادگەهێ هەنە».
