د قارەمانیا ئیراقێ یا یاریێن مەیدانێ دا ڕیكۆرد هاتنە شكاندن
پشتی ب دووماهی هاتنا قارەمانییا یانەیێن ئیراقێ بۆ یاریێن مەیدانێ ب دووماهی هاتین ئەوا هەڤڕكیێن وێ ل یاریگەها شەهید فرانسۆ حەریری ل هەولێرا پایتەخت هاتینە كرن چەندین ڕیكۆرد هاتنە شكاند ئەوا ب پشكدارییا 400 یاریزانان ژ 75 یانەیان بۆ كوڕ و كچان.
ئەو ڕیكۆردێن هاتینە شكاندن، بۆ 100م حسێن عەلی ژ یانەیا حەشد شیا ڕیكۆردا پێشتر بشكێنیت ژ 10.31 بكەتە 10.28 چركە، زێن سەردار یاریزانا یانەیا كچێن نەینەوا بۆ هاڤێتنا رومی ژ10م و91سم بگەهینتە 10م و99 سم، بۆ هاڤێتنا پارسەنگی یاریزانا كچ زەینت عەبد یا نەفت شیمال شیا بۆ درێژاهییا 36م و53 سم پاڤێژیت و ڕیكۆردا پێشتر بشكێنیت ئەوا 36م و 40سم بوون، بۆ هاڤێتنا رۆمی یاریزانێ یانەیا جەیش حسێن سامر شیا ڕیكۆردێ بشێكێن ب61م و62سم یا پێشتر 61م و57سم بوون.
ل دووڤ ژێدەرێن دناڤا چالاكیێ دا چ یانەیێن پارێزگەها دهۆكێ پشكداری د ڤێ چالاكیێ دا نەكربوو كو دهێتە هژمارتن مەزنترین چالاكییا یاریێن مەیدانی پشتی سالا 2013ێ وەرە.
بۆ زانین یانەیا جەیش ل سەر ئاستێ كوڕان، پێشمەرگە ل سەر ئاستێ كچان ناسناڤ دەسڤەئینابوو، سەر ئاستێ كچان یێن لاوان نەفت ئەلشیمال بوونە قارەمان، یێن تازەپێگەهشتی بۆ كوڕان یانەیا حللە و بۆ كچان غاز ئەلشیمال بوونە قارەمان.
