رەقبوونا زکی ل دەمێ دوگیانیێ جهێ ترسێ یە؟
د. چنار مسته‌فا ئامێدی، تایبه‌تمه‌ندا نه‌خۆشیێن ژنان و زارۆكبوونێ دیاركر ره‌قبوونا زكی ل ده‌ف ژنا دوگیان ب ئێشانا زكی و بنێ زكی و پشتێ ده‌ستپێدكه‌ت و گۆت: ئه‌ڤ ره‌قبوونه دو جور یێن هه‌ین ئێك یا گرێدایه ب دوگیانیێ و ئێك ژی یێ گرێدای تێكچوونێ یه و هه‌كه تێكچوون چێدبن ژنێ ئاگه‌ه ژێ نینه، به‌لێ هه‌كه ژان دگه‌ل بن، وه‌كو ژانا زكێ وێ ئێشا، خوین و ده‌رهاڤێژ دگه‌ل دیتن یان ده‌ستئاڤا وێ یا زراف د سۆژیت، ئه‌ڤه رامانا وێ چه‌ندێ دده‌ت، هه‌ودانا مالبچووكی یان ده‌ستئاڤێ یا هه‌ی، له‌ورا بۆ ئێشانا زكی د سێ هه‌یڤێن ئێكێ یێن دوگیانیێ دا، دێ ته‌نشت و بنێ زكێ وێ ئێشن، ئێشانا پشتی هینگی نیشانا تێكچوونێن بهێزن و یا دوێ ژی دبیت گرێدای مالبچووكێ ژنێ بیت و پێدڤی ب ( ره‌بتێ) هه‌بیت داكو سه‌رئافكێ وێ نه‌په‌قیت و زارۆك به‌ری ده‌مێ خۆ ژدایك نه‌بیت و گۆت: پتریا جاران ل هه‌یڤێن نیڤێ یێن دوگیانیێ و یێن دووماهیێ ئه‌ڤ چه‌نده په‌یدادبیت و هه‌كه به‌ری هه‌یڤا نه‌هێ بیت، باشتره زوی سه‌ره‌دانا نۆشدارا خۆ بكه‌ت بۆ وه‌رگرتنا چاره‌سه‌ریێ.
دیاركر ژی، مه‌ترسیا ره‌قبوونا زكی د وێ چه‌ندێ دایه كو ژنێ به‌ری وه‌ختێ خۆ زارۆك په‌یداببیت، یان فالنجا مه‌ژی بۆ زارۆكی په‌یداببیت یان زارۆك نه‌مینیت، ده‌رباره‌ی دایكێ ژی دێ گه‌له‌ك زه‌حمه‌تێ به‌ت هه‌تا زارۆك په‌یداببیت و دبیت پێدڤی ب نشته‌رگه‌ریا زارۆك ببیت.
د.چنار مسته‌فا ئه‌وژی دیاركر، هه‌كه ژنێ دده‌مێ دوگیانیێ دا، سه‌ره‌ردانا نۆشدارا خۆ كر، هنده‌ك حه‌ب بۆ دهێنه‌دان كو ل ده‌مێ ره‌قبوونا زكی بخۆت و هه‌كه هه‌ودان هه‌بن دێ چاره‌سه‌ریا وێ هه‌ودانێ هێته‌كرن، و هه‌كه بوو حه‌فتیا 26 وێڤه، نۆشدار چاره‌سه‌ریێن هه‌ناسێ ده‌تێ داكو ل ده‌مێ په‌یدابوونا زارۆكی هه‌ناسا وی یا باش بیت و چ ئاریشه بۆ په‌یدانه‌بن.
