ژیێ وی 88 سالە و یاریزانێ غاردانێ یە
بەزۆكێ یۆناستانی بلۆتارخۆس بۆرلیاكاس یێ 88 سالی بۆ جارا 12ێ یە پشكداری د ماراسۆنا نێڤدەولەتی یا یۆنانستانێ دا دكەت و هاتییە هژمارتن ئێك ژ وەرزشڤانێن دێرین یێن یارییا غاردانێ ل سەر ئاستێ وەلاتێ خوە.
ل دەستپێكا ڤێ حەفتیێ ب پشكدارییا سەدەها یاریزانێن غاردانێ ل سەر ئاستێ جیهانێ بەزۆكێ یۆنانستانی بلۆتار خۆسێ بۆرلیاكاس یێ 88 سالی پشكداری د ماراسۆنا نێڤدەولەتی دا كر و شیا بێ ڕاوەستیان بۆ ماوەیێ شەش دەمژمێر و 31 خولەكان غاردانێ بكەت كو 18 خولەكا كێمتر ژ سالا بۆری و ببیتە یاریزانێ ئێكێ د ژیێ ل سەر 60 سالی دا، د چارچووڤەیێ قارەمانیێ دا.
د داخویانیەكا رۆژنامەڤانی دا بۆرلیاكاس گۆت: پێخوەشحالم و سۆپاسیا خودێ دكەم هەتا نوكە تەندرۆستیا من یا باش و شیایمە دیرۆكێ بنڤێسم وەكو مەزنترین یاریزان د غاردانا نێڤدەولەتی دا و گەهشتمە خالا دووماهیێ، ئەز هەست پێ دكەم ژ 88 سالیێ دا كێمترم و ئەڤە بوو جارا 12ێ یە پشكداربم كو درێژاهییا وێ دگەهیتە 42 كم، هەر ژ گۆرستانا ماراسۆن هەتا یاریگەها باناسینایك.
هەروسان گۆت: دبیت هەبن باوەر نەكەن د ژیەكێ مەزن دا ئەڤێ درێژاهییا غاردانێ بكەمن، بۆچی باوەرناكەن، ئەم هەمی دشێن، نموونە رۆژانە وەرزشێ بكە دناڤبەرا چار بۆ پێنج كیلۆمەتران دێ لەشێ تە فێربیت و بۆ تەندرۆستیا تە باشە، دیسان خارنێن خراب نە بخوە و نە ڤەخوە و چگارا نەكێشە، دەمێن خەوێ دروست بكەی، لەش دێ شێوازێ خوە ب تەندرۆستی گوهۆڕیت.
