دەریا یونس: نە بوونا پشتەڤانیێ بوویە ئەگەر وەرزشا كچان پێش نەكەڤیت
سندس سالح سلێڤانەی:
د دیدارەكا كورت دا دەریا یونس راهێنەرا گۆلپارێزێن تیما فوتبۆلا یانەیا ئافرەتێن دهۆكێ دیار كر سەرباری هەبوونا یاریزانێن كچ و حەزا وان بۆ یاریێن وەرزشی لێ نە بوونا پشتەڤانیێ بوویە ئەگەر پێش نەكەڤیت و باوەری ب خوە نەبیت،
زێدەتر ناڤهاتی بۆ رۆژنامەیا ئەڤرۆ گۆت: ب مخانیڤە ئاستێ وەرزشا كچان پێش نەكەڤتیە ئێك ژ ئەگەرێن سەرەكی ئەوە خێزانێن وان ڕێگریێ لێ دگرن و ئەگەرەكێ دی ژی یێ سەرەكی نەبوونا پشتەڤانیێ ل ئەڤان یاریزانێن كچ كوو بوویە ئەگەر ژی ئێدی ئەو باوەریێ ب خوە نەبیت و بەردەوامیێ نەدەتە وەرزشێ، هەردەمێ پشتەڤانی بۆ هەبیت پشتراسم كچێن وەرزشڤا ل پارێزگەهێ خودان شیانن و باوەری ب خوە هەیە لەوما ژی داخوازا من ژ دایكۆبابان هەنە دەلیڤێ بدەنە كچێن خوە ژبۆ وەرزشێ كارەكێ پیرۆزە و تەندروستی یە.
ژلایەكێ دووڤە دەریا یونس دیار كر وەكو ڕاهێنەرا یانەیا ئافرەتێن دهۆكێ پلانێن باش بۆ وەرزێ نوو یا خولا فوتسالا كوردستانێ دانایە و زێدەتر خوە ماندیبكەم پێخەمەت پێشكەڤتنا ئاستێ وەرزشا كچان و دیاربوونا گۆلپارێزێن ڤێ یاریێ و گۆت: سەربلندم ب مالباتا خوە هەموو وەرزشڤانن و هەڤكار و پشتەڤانن، من باوەریەكا مەزن ب خوە هەیە و چ جاران چڤاك كارتیكرن لمن نەكرییە كو ئێك ژ پێنگاڤێن من یێن دژیانا من دابووینە، ژن خودان ئیرادە و بەهرەمەندە هەردەمێ كار ل سەر شیانێن خوە بكەت دێ بیتە باشترین.
ژلایەكێ دووڤە گۆت: ب شانازیڤە دو كارێن پیرۆز ئەنجامدەم وەكو ئەفسەرەك دناڤ رێزێن پێشمەرگە و دیسان وەكو وەرزشڤانەك دگەل یانەیا ئافرەتێن دهۆكێ و هندی د شیان دابیت دێ بەرگریێ ژ خاكا وەلاتێ خوەكەم و وەرزش و پشتەڤانێ كچێن وەرزشڤان بم.
بۆ زانین دەریا یونس ل سالا 2012 گۆلپارێزا یانەیا گارە بوو، ل 2013 هەتا 2013ێ دگەل یانەیا زێرەڤانی بوو، دووڤدا ڕاهێنەرا یانەیێن، گارە، زێرەڤانی و تەناهی بوویە و نوكە ڕاهێنەریا یانەیا ئافرەتێن دهۆكێ یە.
