هونەر هەستەكێ خۆش د دەتە مە
سولین سلێمان:
شێوەكار (پروشە حەیدەر) كو ژپارێزگەها هەلەبجە یە، د دیدارەكێ دا بۆ رۆژناما ئەڤرۆ گۆت: دژیەكێ بچووكدا من حەزژ كارێ شێوەكاری دكر و پشتی دەلیڤە هاتی من دەستپێكر و نوكە ل گەل چێكرنا هەر كەڤالەكی دلخۆش دبم، لەورا من ل بەرە هندی من شیان هەبن و دژیانێ دا مابم دێ یا بەردەوام بم.
هەروەسا گۆت: هەر چەندە هونەر بۆ من نەبوویە دەرگەهەك كو داهاتەك بۆ من ژێ بهێت، لێ دێ هەر بێژم بوویە پشكەكا گرنگ د ژیانا مندا و باوەرناكەم ب چو رەنگان بشێم ژێ دوور بكەڤم یان دەستبەردای هونەری ببم، چنكو هەستەكێ خۆش د دەتە من و داخوازێ ژگەنجێن خودان بەهرە دكەم هەر ئێك ل دووف ئارەزوو و حەزا خوە بهێتە د مەیدانێ دا و خزمەتا وەلاتێ خوە بكەت.
