مرۆڤێ راستگۆ هەردەم ستێرا وی یا گەشە
بێوارحەمدی:
مەدیاكار (حەیدەر عەبابەكر) كو ب حەیدەر دۆسكی دهێتە نیاسین، د دیدارەكێ دا بۆ رۆژناما ئەڤرۆ گۆت: ئەڤە سێ سالن ئەز پەیامنێرێ (كەنالێ رووداو) م و ئەز یێ شیام تشتەكێ وەسا بكەم كو هەتا نوكە راگەهاندنا كوردی نەكربیت.
هەروەسا گۆت: راگەهاندن وەكو مەڤانیكرنێ یە د زەریایەكێ دا و هەموو دەمان مرۆڤ بزاڤێ دكەت بگەهیتە بەر لێڤێن ئاڤێ و ل بەر سنگێ ئاڤێ ب راوەستیێت، چنكو راگەهاندكار دڤێت هەردەم ل نوویاتیان بگەڕیێت و ب وێرەكی پەیاما خوە بگەهینیت و ب دیتنا من راستگۆیی سەركێشا هەموو ساخلەتێن باشە ل دەف پەیامنێری، چنكو مرۆڤێ راستگۆ هەردەم ستێرا وی یا گەشە.
