دارڤان خالد: یانەیا تەناهی بۆ وەرزێ نوو دێ تیمەكا هەڤڕك بیت
تیما فوتبۆلا یانەیا تەناهی دەست ب ئێكەم یەكەیا خوە یا راهێنانێ بۆ وەرزێ نوو یێ 2024-2025ێ یا خولا پلا ئێكا كوردستانێ كر و كومەكا یاریزانێن نوو بۆ رێزێن تیمێ بەرهەڤكرنە ب ئارمانجا هەڤڕكی بۆ دەستڤە ئینانا پلێتا دەربازبوونێ.
ل دۆر نووترین بەرهەڤیێن وان دارڤان خالد راهێنەرێ گەنج د داخویانیەكێ دا بۆ رۆژنامەیا ئەڤرۆ گۆت: سوپاسیڤە بۆ كارگێریا یانەیا تەناهی بۆ وەرزێ سێیێ ل دووڤ ئێك باوەری دایە من و ستافێ راهێنانێ، وەكۆ وەرزێ بوری ئەركێ مە ب سناهی نابیت تایبەت ئەڤی وەرزی، لێ دێ هەڤڕكییا دژوار بیت ژبۆ ب دەستڤەئینانا پلێتا دەربازبوونێ، وەكو تیما مە ئەم هژمارەكا ب سانەهی نابیت و دێ شەڕی هەتا دووماهی چركە كەین، پشتبەستن دێ ب یاریزانێن ناڤخوەیی بیت.
ژلایەكێ دووڤە ناڤهاتی ئەوچەندە ژی دیار كر و گۆت: هەروەسا د نوكە دا ئەم یێ بزاڤێن ئینانا یاریزانێ پیشەكار دكەین و پەیوەندیێن مە دگەل دا بەردەوامن بۆ ئینانا وان ناڤ رێزێن تیمێ دا، دێ هەموو بزاڤان كەین بۆ دەستڤەئینانا پلێتا دەربازبوونێ و ئارمانجا مە ژ شەش تیمێن دەستپێكا رێزبەندیێ بین، دەلیڤێ دەینە كۆمەكا یاریزانێن نوو پشكداریی بكەن، ب گشتی مە پلان و بەرنامەیێن ڕێكخستی هەیە.
ژلایەكێ دووڤە دارڤان خالد گۆت: كارگێریا یانەیێ هەموو بزاڤ كرینە كو بۆ وەرزێ نوو باشترین شێوە پشكداربین و ئەو كێشەیێن هەیین ژ وانا یێن دارایی چارەسەر بكەین، بەردەوامن ل سەر پشتەڤانییا تیمێ دكەن پێخەمەت دەربازبوونێ بۆ خولا پلەیا نایاب، هەرچەندە ئاریشەكا مەزن مە هەیە ئەو ژی نە بوونا یاریگەهێ یە كو كارتێكرن لمە كریە بۆ ماوەیێ دەهـ رۆژان مە راهێنان پاشئێخستن ژ بەر ئەگەرێ كوم ە یاریگەها خوە یا تایبەت نینە ب نەچاری ڤە مە یاریگەها چالاكیێن وەرزشی راهێنانێن خوە ئەنجامدان و ئەم سۆپاسی ڕێڤەبەرێ چالاكیێن وەرزش و دیدەڤانی دكەین كو دەرگەهێن یاریگەهێ بۆ مە ڤەكرین و دخوازم كێشەیا یاریگەها یانەیا تەناهی زوویترن دەم چارەكەن.
