سترانێن نوكە ژیکورتن
سولین سلێمان:
سترانبێژ(بەهمەن كەمال) كو هەتا نوكە ب چەندین ستایلێن جودا ستران گۆتینە، د دیدارەكێ دا بۆ رۆژناما ئەڤرۆ گۆت: دەستپێكا من ل گەل سترانگۆتنێ ب ستایلێ شاد بوویە، كو گەلەك خەلك حەزژ وی ستایلی دكەن و هەتا نوكە یێ بەردەوامم، لێ مخابن هەتا نوكە پتریا سترانبێژان نەشێن ب داهاتێ خوە یێ هونەری بژین، كو ئەز ژی ئێك ژوانم، لەورا هندەك جاران وەك دەرهێنەر ژی من كاركریە.
هەروەسا گۆت: دەمێ سترانبێژ خوە بۆ تۆماركرنا سترانەكێ بەرهەڤ دكەت، پەیڤ و ئاوازێن باش گەلەك ب زەحمەتن و زوو ب زوو ب دەست مرۆڤی ناكەڤن، لەورا پتریا سترانێن نوكە د دەمەكی نە، ئانكو هەیڤەكێ هەتا دو هەیڤان و ئێدی نامینن و بەرزە دبن.
