پەرتووكەكا ئەكادیمیەكێ دهۆكێ دبیتە ژێدەرەكێ زانستی بۆ خواندنا بلند ل هندستانێ
شاكر ئەتروشی:
بەری چەند سالان وپشتی پەرتووكا ئەكادیمی و رۆژنامەنڤیس و نڤیسەرێ كورد (هەكار عەبدولكەریم فندی) ئەوا ب ناڤێ (New Trends in Federalism, Co-operative Federalism in India)چاپ و بەلاڤەبووی، ب تایبەت پشتی سالا ٢٠٢١ و هەتا نوكە بوویە ئێك ژ ژێدەرێن زانستی وئەكادیمی وباوەرپێكری بۆ خواندنا بلند د بیاڤێ سیاسەتێ دا ل زانكۆیا سۆلاپور ل ولاتێ هیندستانێ. زانكۆی سۆلاپور (Punyashlok Ahilyadevi Holkar Solapur University) ل سالا 2004 هاتیە دامەزراندن پشتی ژ زانكۆیا شیڤاجی (Shivaji University) جودابووی ئەوا ل سالا 1962ێ هاتیە دامەزراندن. نوكە زانكۆیا سۆلاپور زانكۆیەكا سەربخۆیە وپتری 70 كۆلیژان و 60 هزار قوتابیان بخۆڤەدگریت، زانكۆیا ناڤبری دكەڤیتە رۆژئاڤایێ ناڤەراستا هندستانێ، و ژلایێ كارگێریڤە سەر ب ویلایەتا مەهراشترا یە. پەرتووكا ناڤبری د وەختێ خۆدا و تا نوكە ژی ل چەندین پەرتووكخانێن نێڤدولەتی و پلاتفۆرمێن جیهانی یێ تایبەت ب پەرتووكان ڤە ب شێوازێن (چاپكری، دجیتال، دەنگ) ب دەستدكەڤیت. هەكار فندی، ژ دایكبوویێ ١٩٨٢ ل دهۆكێ، هلگری چەندین باوەرنامایە، وەكی دبلۆم ب میدیایێ، ماستەر د یاسا و میدیایێ دا، نوكە ژی قوتابیێ دكتۆرایێ یە ل ولاتی هندستانێ. و چەندین بەرهەمێن دی ژی ب چاپێ گەهاندینە وەكی (تێگەهەكێ یاسایی بۆ رۆژنامەڤانێی) و (رۆلی راگەهاندنێ هەمبەر بنپێكرنێن مافێن مرۆڤی) و (فدرالی، تێگەهـ و جێبەجێكرن).)
