د خولا كوردستانێ دا ئاكرێ د تاقیكرنەكا ب هێز دایە
چاڤەڕێ دهێتە كرن ئەڤرۆ دەست ب هەڤڕكیێن گەڕا چارێ یا قۆناغا ئێكێ ژ خولا پلا نایابا كوردستانێ یا فوتبۆلێ ب ئەنجامدانا چار یارییان بهێتە كرن و سوبەهی چار یاریێن دی ژی هەبن، قارەمانا وەرزێ بۆری یانەیا ئاكرێ د یارییەكا ب زەحمەت و ئاگرین دایە.
ل یاریگەها خوە و دناڤ پشتەڤانێن خوە دا تیما یانەیا ئاكرێ دێ مێڤاندارییا یانەیا پێشمەرگەیا هەولێر كەت، ئێك ژ ب هێزترین یاریێن ڤێ گەڕێ و تاقیكرنەكا ب هێزە بۆ كوڕێن باژێرێ نەورۆزێ، یانەیا ئاكرێ د نوكە دا ل رێزا هەشتێ دهێت ب تنێ سێ خال هەنە لێ ب تنێ ئێك یاری ئەنجامدایە، ئەگەر ژی ئەون پشتی ئەنجامدانا یارییا ئێكێ د یارییا دویێ دا بەرانبەر یانەیا هەولێرێ هاتە پاشئێخستن، د گەڕا سێیێ دا وەكو تیما چاڤەڕێ كری هاتبوو هژمارتن، ئانكو د هەردو گەڕێن دویێ و سێیێ دا ئاكرێ یاری نە كرییە و بڕیارە ئەڤرۆ یارییا خوە یا دویێ و یا گەڕا چارێ بكەت.
ژلایێ خوەڤە یانەیا پێشمەرگەیا هەولێرێ هەرسێ یاریێن خوە كرینە دو سەركەفتن و ئێك وەكهەڤی هەیە ل رێزا دویێ دهێت ب حەفت خالان و دێ بۆ یارییا ئەڤرۆ ژی بزاڤێ كەت بەردەوامیێ بدەتە سەركەفتنان و بادەكا خوە ژ خوسارەتییان ڤالا بهێلیت، لێ یانەیا ئاكرێ خودان ئەرد و جەماوەرە و هیڤیێن مەز هەنە وەكو قارەمانا وەرزێ بۆری و خودانا ناسناڤێ سۆپەرا كوردستانێ بۆ وەرزێ نوو باش كارێ خوە كرییە و جەماوەرێ خوە ژ ئەنجامدانا یارییا غەریب كرینە.
ژ یاریێن دی یێن ئەڤرۆ یانەیا چوارقۆرنە دێ ل هەولێرا پایتەخت بیتە مێڤانا هندرین، ڕانیە دێ ل یاریگەها خوە مێڤاندارییا دەربەندیخان كەت، سیرۆانی نوو دێ ژ باژێرێ سلێمانیێ هێتە هەولێرا پایتەخت و بیتە مێڤانا ڕزگاری،بۆ زانین هەموو یاری دێ ل دەمژمێر دو پشتی نیڤرۆ هێتە كرن.
