ئاكنجیێن گوندێ (بۆترشێ) داخوازا چێكرنا رێكا گوندی دكەن
سندس سالح:
ئاكنجیێن گوندێ (بوترشێ) كو دكەڤیتە سنورێ ناحیا مانگێشكێ داخوازێ ژ باژێرڤانیێ دكەن رێكا گوندێ وان بهێتە چێكرن، دا بشێن هاتن و چوونا گوندێ خوە بكەن و دەرامەتێ خوە ڤەگوهێزنە گۆمركێن فێقی و هاولاتیەكێ وی گوندی ژی دبێژیت: مە چەندین جاران داخوازا خوە گەهاندیە جهێن شۆلەژێ، لێ هەتا نوكە كەس د هەوارا مە نەهاتیە.
هاولاتیەكێ وی گوندی یە، دبێژیت: رێكا مەیا گوندی گەلەكا بێ سەروبەرە و هاتن چوون لێ یا ب زەحمەتە، ب تایبەت ل وەرزێ زڤستانێ و دەمێ باران دباریت و چەندین جاران مە سەرەدانا ناحیێ و باژێرڤانیێ كریە، لێ هەتا نوكە یا بێ ئەنجام بوویە، بۆ زانین درێژاهیا رێكێ چار كیلۆمەترن و نێزیكی هەشت مالان ل گوندی د ئاكنجی نە و دو خانی ژی (هەیكەلن) قەلابە نەشێن بلوك و چیمەنتۆیێ بۆ بینن و هەكە رێك هاتە چێكرن دێ پتر خەلك هێتە سەر گوندی.
وەلاتیەكێ دی یە، ژ هەمان گوند دبێژیت: گەلەك جاران ئەم چووینە دەف رێڤەبەرێ ناحیێ و مە بابەت گەهاندیێ وی ژی ب شێوەیەكێ زارەكی یێ گۆتیە مە بلا و ئەم چاڤەڕێ ینە سۆزا خوە بجه بینیت و بهێن رێكا مە چێكەن.
