عەمارمحەمەد: ب هیڤیمە ناسناڤێن نێڤدەولەتی ب دەستڤە بینم
هەرهین محەمەد:
د دیدارەكا كورت دا عەمار محەمەد یاریزانێ تەنسا ل سەر مێزێ بۆ رۆژنامەیا ئەڤرۆ دیار كر ئەو بەردەوامە ل سەر بەرهەڤییان و پشكداری د قارەمانیێن نافخوە و ئیراقی دا و ب هیڤییە بەر ب نێڤدەولەتی ژی بچیت و ناسناڤان ب دەستڤە بینت.
زێدەتر ناڤهاتی گۆت: ل دووماهی پشكدارییا من یا قارەمانییا رۆژئاڤا ئاسیا ئەوا بەری دو حەفتیان ل باژێرێ سلێمانیێ هاتیە كرن، نێزیكی سەد یاریزان پشكداربوون و بتنێ پێنچ یاریزان ژ هەموو ئاستان ل پارێزگەهێ پشكداربووین، ئەز و هەڤالێ خوە هێژا بشار شیاین رێزا دویێ ل سەر ئاستێن جودا ب دەستخوەڤە بینین و چاڤەڕێ یە ئەڤرۆ وەكو یاریزانێ یانەیا دهۆك پشكداری خولا ئیراقێ بین ئەوا دێ سلێمانیێ بیت كو دبیتە پلەی ئوفا ئیراقێ ل ئەوێ قارەمانیێ ژی پلە و خەلاتێن باش بدەستخوە ڤە بینین و دشێم بێژم دو یانەیێن دهۆكێ دێ پشكداری ئەڤێ قارەمانیێ بن.
ژلایەكێ دووڤە عەمار محەمەد گۆت: یاریا تێنسا ل سەر مێزێ یا بزەحمەتە، چونكو ئەو كەسێ دبیتە یاریزانێ ئەڤێ یاریێ دڤێت دژیەكێ بچووك دا دەستپێبكەت و بەردەوام راهێنانان بكەت داكو بشێت پاشەرۆژێ دا پشكداری قارەمانیان بیت و ژبۆ ڤێ یاریێ ژی دڤێت یاریزانی لەشەكێ سڤك و هێز و لەزاتی هەبیت دا كو بشێت بەرامبەری یاریزانێ دی یێ بهێز بیت و یاریێ ب سەركەفتیانە بكەن.
