پەیاما مە بتنێ بۆ زارۆكان نینە
بێوار حەمدی:
رێڤەبەرێ كەنالێ هەلهەلۆك یێ زارۆكان (شینوار فەرهاد) د دیدارەكێ دا بۆ رۆژناما ئەڤرۆ گۆت: بێگومان كەنالێ هەلهەلۆك دبابەتێ خزمەتكرنا زارۆكان دا پشت بەستنێ ل سەر داتایان دكەت، ب سەدەهان بەرهەمێن تەلەفزیۆنی و بەرنامە و فلم كارتۆنێن بیانی و خۆمالی دكەت و بێی فیلتەرێن پەروەردەیی و كلتۆری و جڤاكی ئەم چو بابەتان ل سەر شاشەیێ نیشا نادەین، لەورا هەلهەلۆك شیایە ب دەهان رێكا خزمەتا زارۆكان بكەت.
هەروەسا گۆت: پەیاما مە بتنێ بۆ زارۆكان نینە، بەلكو ب شێوەیەكێ نە راستەوخوە بۆ دایك و بابێن وان ژی یە، چنكو ئەم هەموو بزاڤان دكەین دهەر بڕگە و بابەتەكی دا پەیامەكێ بگەهینە دایك و بابان ژی، داكو مفای ژ پەیامێن پەروەردەكرنا زارۆكان ببینن.
