ئێكەمین كۆنفرانسێ تێدێكس ل زاخۆ هاتە ئەنجامدان
زاخۆ، دلۆڤان هالۆ:
ب ئامادەبوونا گوهدار شێخۆ، سەرپەرشتێ ئیدارەیا سەربخوە یا زاخۆ، دكتۆر نازم، سەرۆكێ زانكۆیا زاخۆ و بەرپرسێن دام و دەزگەهێن حكومی و خەلكێ زاخۆ، ل ژێر درووشمێ (پرەك بۆ سرۆشتی) ل رۆژا 30/11/2024 ئێكەمین كۆنفرانسێ تێدێكس ل هۆلا ڕێڤەبەریا ڕەوشەنبیری و هۆنەری یا زاخۆ هاتە ئەنجامدان.
ئەڤین سەلیم، ژ ستافێ تێدێكسێ بۆ ڕۆژناما ئەڤرۆ دیار كر، د ڤی كۆنفرانسی دا 12 كەسێن ناڤخوەیی و بیانی یێن ب ناڤودەنگ و خودان سەربۆڕ گۆتارێن خوە پێشكێشكرن و بەحس ل ژیان و سەركەفتنێن خوە كرن، وەكو قونسلێ گشتی یێ كورییا و بالیۆزێ بریتانیا ل ئیراقێ، دیسا چەندین كەسێن دی د بیاڤێن هەمەجۆر دا.
ئەڤینێ گۆت: «كۆنفرانسێ تێدێكس دەستپێشخەریەكا سەربخوە یا جڤاكییە، ژ بۆ كۆمكرنا هزرێن هەڤپشك و ژ هەژی بەلاڤكرنێ و بابەتێن وێ هەمەڕەنگن».
