پارێزگارێ دهۆكێ سوپاسیا حكومەت و قونسلێ ئیماراتێ دكەت
د. عەلی تەتەر، پارێزگارێ دهۆكێ دوهی 1/12/2024 پێشوازی ل ئەحمەد ئیبراهیم زاهری، قونسلێ گشتی یێ دەولەتا ئیمارات ل هەرێما كوردستانێ كر و د هەڤدیتنەكێ دا بەحسێ رەوشا دەڤەرێ و پێشهاتێن نوو ل سووریێ و رۆژهەلاتا ناڤین و پەیوەندیێن سیاسی و ئابووری و بازرگانی د ناڤبەرا هەردو لایان دا و ئەو كار و پشتەڤانیا دەولەتا ئیمارات د بیاڤێن جودا دا پێشكێشی هەرێما كوردستانێ و پارێزگەها دهۆكێ دكەت؛ هاتە كرن.
پارێزگارێ دهۆكێ سوپاسی و دەستخوشی ل حكومەتا ئیمارات و قونسلێ گشتی یێ وی وەلاتی ل هەرێما كوردستانێ كر، هەمبەر هەبوونا پەیوەندیێن باش د ناڤبەرا هەردو لایان دا و ئەو هاریكاریێن حكومەتا ئیمارات ب رێكا قونسلخانێ پێشكێشی خەلكێ پارێزگەهێ كرین و داخوازا سەركەفتنێ بۆ ناڤبری كر د هەر كار و ئەركەكێ نوو یێ پێ بهێتە راسپاردن.
قونسلێ ئیماراتێ ل هەرێما كوردستانێ ب هەلكەفتا ب دووماهی هاتنا كار و ئەركێن خۆ سەرەدانا پارێزگەها دهۆكێ كربوو.
