خولا فوتسالا كچان هاتە پاشئێخستن
قەیس وەیس:
فدراسیۆنا فوتبۆلا كوردستانێ ڕاگەهاند ژڤانێ وەرزێ نوو یێ خولا فوتسالێ ل سەر ئاستێ كچان بۆ ئێك مەهـ پاشڤە چوو، ئەوا بڕیار بوو ل 20ێ ڤێ مەهێ هاتبا ئەنجامدان.
ئازاد ئەحمەد ئەندامێ فدراسیۆنا فوتبۆلا كوردستانێ بۆ رۆژنامەیا ئەڤرۆ گۆت: پشتی دووماهی كۆمبوون هاتییە كرن، چەند بابەت هاتنە بەحسكرن، ژبۆ رێكخستنەكا سەركەفتی و دیسان رێكخستنا ژڤانێن هەموو خولا، بڕیار هاتە دان ژڤانێ خولا فوتسالا كچان یا وەرزێ 2024-2025 ژ دووماهییا ڤێ مەهێ بچیتە 24ێ كانوونا دویێ یا سالا بهێت و دێ كۆمبوونەكا دی هێتە كرن ژبۆ دیاركرنا هژمارەیا یانەیێن پشكدار د خولێ دا، ئەڤ پاشئێخستنە ژی دێ بیتە سەدەم بۆ زێدەتر یانە بەرهەڤیێن خوە بكەن و دەلیڤە بۆ ئەوان یاریزانێن پشكدار دگەل هەلبژارتیێ ئیراقێ بەرهەڤبن.
بۆ زانین ل وەرزێ بۆری تیما یانەیا ئافرەتێن دهۆكێ ناسناڤێ خولا كوردستانێ ب دەستڤە ئینابوو، پشتی د یارییا دووماهیێ دا ب سەركەفتی ل سەر كچێن یانەیا زاخۆ، دهێتە پێشبینیكرن بۆ وەرزێ ئەڤ سالە زێدەتر 10 یانە پشكداری وەرزێ نوو بن.
