ئێكشەمبیا بهێت بنگەهێن تۆماركرنا بایۆمەتری دێ هێنە ڤەكرن
خالد عەباس، بەرپرسێ ئۆفیسا دهۆكێ یا كۆمسیۆنا بلندا سەربخۆ یا هەلبژارتنێن ئیراقێ ئاشكرا كر، ل ئێكشەمبییا بهێت بنگەهێن تۆماركرنا بایۆمەتری دێ هێنە ڤەكرن، ژ دایكبوویێن سالا 2007ێ دێ هێنە تۆماركرن و بۆ هەلبژارتنێن بهێن دێ مافێ دەنگدانێ هەبیت.
ناڤهاتی بۆ ئاژانسا خانی گۆت: «41 بنگەهـان دەست ب دەوامێ دێ هێتە كرن، ژبلی تۆماركرنا دەنگدەرێن نوو، هەر كەسەكێ ئاریشەیەك د كارتا دەنگدانێ دا هەبیت، دێ ل وان بنگەهان بۆ هێتە چارەسەركرن، كو 33 هزار كەسان كارتا دەنگدانێ هەیە، لێ شوونتبلێن وان نەهاتینە وەرگرتن، نێزیكی 10 هزار كەسان ژی كارتێن خۆ وەرنەگرتینە».
