یۆڤانتۆس ناكۆكییا دییۆنگی و بەرشەلۆنا ب دەلیڤە دیتیە
دەنگۆباسێن رۆژنامەڤانی ل ئیسپانیا دۆپات دكەن پەیوەندیێن دناڤبەرا بریكارێ یاریزانێ بەرشەلۆنا فرانكی دییۆنگ و كارگێرییا یانەیێ بەر ب ڕێكەكا گرت چووینە و نەگەهشتینە چ ڕێكەەفتنان ژبۆ نووكرنا گرێبەستا وی، د بەرانبەر دا یانەیا یۆڤانتۆس یا ئیتالی ئەڤچەندە ب دەلیڤە دیتیە و خوە نێزیكی بریكارێن دییۆنگی كرییە.
رۆژنامەیا كالێچیۆ مێركاتۆ یا ئیتالی دیاركرییە كو پشتی نە ڕێكەفتنا دەستپێكێ یا بریكارێ ستێرێ بەرشەلۆنا فرانكی دییۆنگ دگەل یانەیا خوە بوویە ئەگەر یانەیا یۆڤانتۆس چاڤدێرییەكا باش بكەت، پشتی گەهشتییە وێ چەندێ ڕێكەفتن ب زەحمەت كەڤتییە پەیوەندی ب بریكارێ وی كرییە بۆ ڤەگۆهاستنێن زڤستانێ دا ڤەگۆهێزیتە ئیتالیا و كۆژمەیێ 25 ملیۆن یۆرۆ ژبلی مووچە و پاداشتان بۆ پێشكێشكرییە، لێ هێشتا چ بەرسڤێن فەرمی نە هاتینە دان و دوور نینە دییۆنگ بەرشەلۆنا بهێلیت و بچیتە یۆڤانۆتسێ، ژبەركو یانەیا بەرشەلۆنا ڕژدە مووچەیێ وی كێم بكەت و ئەڤ خالە ژی دییونگ ڕازی نابیت.
