حەفت یاریزانێن كورد بۆ كۆپا كەنداڤی هاتینە داخواز كرن
قەیس وەیس:
ڕاهێنەرێ هەلبژارتیێ ئیراقێ یێ ئسپانی خیسۆس كاساس لیستا دووماهیێ یا ناڤێن یاریزانێن هاتینە داخوازكرن بۆ ناڤ رێزێن هەلبژاتیێ ئیراقێ یێ فوتبۆلێ دا ڕاگەهاند خوە بەرهەڤكرن بۆ كۆپا كەنداڤی یا26ێ ئەوا بڕیارە ل دووماهییا ڤێ مەهێ وەلاتێ كوێتێ مێڤاندارییا وێ بكەت.
حەفت یاریزانێن كورد د ناڤا یاریزانێن داخواز كرینە ئەو ژی، مێرخاس غازی دۆسكی، رێبین سۆلاقا، محەمەد حەسەن، هەلۆ فائێق، ئەحمەد یاسین، ماركۆ فەرەج و یۆسف ئەمین، ژلایەكێ دووڤە یاریزانێ یانەیا زاخۆ ئەمجەد عتوان و پیتەر گۆرگیس یاریزانێ یانەیا دهۆك ژی هاتینە داخواز كرن.
د داخویانیەكا رۆژنامەڤانی دا خیسۆس كاساسی دیاركر ل 14ێ هەتا 20ێ ڤێ مەهێ شاندێ هەلبژارتیێ ئیراقێ دێ ل وەلاتێ قەتەر كەمپەكێ ڕاهێنانێ دانیت بەری پشكدارێ د كۆپا كەنداڤی دا بكەت.
ئەو یاریزانێن داخوازكری ژبلی یێن كورد و یانەیێن زاخۆ و دهۆكێ هەر ئێك ژ جەلال حەسەن، كەمیل سەعەد، مەناف یونس، عەل عەدنان، ئادەم تالب، عەلی فائیز، موهەنەد جعاز، مستەفا سەعدۆن، ئەمیر ئەلعماری، سەعەد عەبدولئەمیر، لوكاس شلیمۆن، عەلی جاسم، ئەمین ئەلحموی، عەلی یوسف، موهەنەد عەلی، ئەیمەن حسێن، ئیبراهیم بایش و زیدان ئێقبال.
