كچەكا (15) سالی ژیانناما بابێ خوە كریە پەرتووك
دلۆڤان هالۆ:
هەلز تاهر گۆیی، كچەكا خەلكا زاخۆیە، ژیێ وێ پازدە سالن، قوتابیە ل پولا دەهێ ل ئامادەیا شاناز، ل ڤێ دووماهیێ رابوویە ب نڤیسینا پەرتووكەكێ ل دۆر ژیانناما بابێ خوە یا پێشمەرگایەتیێ و دبێژیت: دەمێ ئەز ب بەرهەڤكرنا پەرتووكێ رادبووم بۆ من گەلەكا خۆش بوو، لێ یا خۆشتر ئەو بوو پشتی هاتیە چاپكرن.
هەلز، بۆ رۆژنامەیا ئەڤرۆ دبێژیت: ناڤێ پەرتووكێ (گەورەبوویێ خەباتێ) یە و ئەز وەكو كچەك خۆشحالم كو بابێ من دژیێ شازدە سالیێ دا بوویە پێشمەرگە و چەك هەلگرتی و ژیانا خوە هەموو ل سەنگەرێن شەڕی و پاراستنا وەلاتی ل دووف رێبازا پارتی و بارزانیێ مە بۆراندی، هەروەسا پشكداری د شۆڕەشا ئیلۆنێ و گولانێ دا كری، لەورا من ب فەر دیت ئەز ژیان و خەبات و سەربۆڕا وی بكەمە پەرتووكەك دا گەنجێن نوو مفای ژێ ببینن و بزانن ئەڤ خۆشیا نوكە ئەم تێدا هەموو بەرهەم و رەنجا پێشمەرگەیێن قەهرەمانە.
