زاخـۆ ئێکەم یـاریـزان ڤەگوهاست
عەلی حاجی:
د داخویانیەکێ دا سکرتێرێ یانەیا زاخۆ یا وەرزشی بۆ رۆژنامەیا ئەڤرۆ دیار کر ئەو سەرکەڤتی بوون د ئینانا ئێکەم یاریزان بۆ ناڤ رێزێن تیمێ دا و دێ بەردەوام بن د ئینانا یاریزانان دا.
زێدەتر هشیار شەهباز گۆت : ژبەریا دەستپێکرنا ڤەگوهاستنا یاریزانان د وەرزێ زڤستانێ دا د خولا ستێرێن ئیراقێ یا تەپاپێی دا،وەکو
دەستەیا کارگێریا یانەیێ مە پلانەکا تایبەت بۆ ئینانا یاریزانان دانا و ئه‌م شیاین د ئێکەم پلانا خوە دا سەرکەڤتنێ بینن و گرێبەستێ دگەل هادی سالح یاریزانێ ب رەگەز ئیراقێ ئیمزا بكه‌ین بۆ ماوه‌یێ ئێك سال و شه‌ش مه‌هان، ئەڤ یاریزانە دێ شێت خزمەتەکا باش بۆ تیما مە بکەت ژبەرکو ژ شیانێن باش هه‌نه و سه‌ربۆریا خولێن ئۆرۆپا یا هه‌یی و دێ شێت ڤالاهیا ل هێلا پێشیێ دا هەیی پر بکەت، مە پلانێن دیتر هەنە د وەرزێ ڤەگوهاستنێن زڤستانی دا ژبەرکو هێشتا مە کێماسی هەنە و وان جهان پر بکەین.
ناڤبری گۆت ژی: ڕاهێنەرێ مە یێ رازییە ل سەر دەست نیشانکرنا وان یاریزانان یێن کو ئەم دانوستاندنان دگەل دا دکەین ژبەر کو بێ رەزامەندیا ڕاهێنەری تیما مە ئەم چو پێنگاڤان ناهاڤێژین.
