سێمێل و تـەنـاهـی دێ ژ دەرڤـەی یاریگەهێن خوە دەست ب وەرزێ نوو كەن
بڕیارە ئەڤرۆ 15ێ كانوونا دویێ یا سالا 2024ێ وەرزێ نوو یا خولا پلا ئێكا كوردستانێ یا فوتبۆلێ ب هێتە كرن، ئەوا دێ ب پشكدارییا 15 یانەیێن هەرێمێ ژ وانا سێ یانەیێن پارێزگەهێ دهۆك، تەناهی و سێمێل، یاریێن وان دێ ب شێوەیی خول دو قۆناغ دێ هێنە كرن.
تیما یانەیا سێمێل ب هیڤی و ئۆمێدێن ڤەگەڕیان بۆ پلا نایابا كوردستانێ و ب جهئینانا خەونا جەماوەرێ خوە یا بەری 12 سالان بكەنە ڕاستیەك دێ ئێكەم پێنگاڤا خوە د خولا پلا ئێك دا هاڤێژت و ئێكەم یارییا خوە ل دەرڤەیی یاریگەهـ و دوور ژ پشتەڤانێن خوە بیتە مێڤانا یانەیا چەمچەمال ل پارێزگەها سلێمانیێ د یارییەكا هەڤڕكی و ب هێز دا.
پەروەر حسێن سەرپەرشتێ تیما سێمێلێ بۆ رۆژنامەیا ئەڤرۆ دیار كر، هەردەم یارییا ئێكێ ئاست و پێزانین تیما بەردەوام دیارنینن و یا بزەحمەتە بۆ هەر تیمەكێ، وەكو كارگێرییا یانەیا سێمێلێ هەر تشتەكێ پێدڤی بۆ وەرزێ نوو یێ خول هاتییە بەرهەڤكرن، نێزیكی 10 یاریزانێن دەرڤەیی سێمێلێ هاتینە دناڤ رێزێن تیما مە دا ژ وانا سێ پیشەكارن دو ژ وان ئەفریقی نە، كادرێ ڕاهێنانێ خودان شیانن و مە باوەرییەكا تەمام پێ هەیە، ب هیڤینە ل دوو ئارمانجا خوە دەست ب هەڤڕكیێ و پێنگاڤا ئێكێ یا سەركەفتی بیت و بەردەوامبیت.
ژلایێ خوەڤە تیما یانەیا تەناهی ژی هیڤیێن مەزن هەنە بۆ باشترین شێوە و وەكو تیمەكا هەڤڕك بۆ پلێتا دەربازبوونێ بهێتە دیتن، نوونەرا دویێ یا پارێزگەهێ ئەوژی دێ ل باژێرێ سلێمانیێ بیت و بیتە مێڤانا یانەیا بابان، هەرچەندە بەری دەستپێكرنا خولێ ب چەند حەفتیەكان كارگێرییا یانەیێ ڕاگەهاند بوو ئەو شیانێن دارایی نینن تیما خوە دروست بكەت و پشكداریێ بكەت لێ پشتی سۆز بۆ هاتینە دان یا ڤەگەڕیا.
ژلایێ خوە ڤە پشتی تیما یانەیا دهۆك ل وەرزێ بۆری داكەفتییە پلا ئێك دێ بزاڤێ كەت ئەڤ سالە بهێز پشكداربیت نە بتنێ ڤەگەڕیتە نایاب بەلكو شەڕی بۆ ناسناڤی ژی بكەت، لێ د یارییا حەفتییا ئێكێ دا ل دووڤ لیستا بەلاڤكری دێ یا چاڤەڕێ كری بیت.
ژ یاریێن دی، بازیان- كفری، كۆیە- ڕەواندۆز، زانكۆیا جیهان- سۆران، قەلادز- هەلۆ، خاك- شۆرچە، هەموو یاری دێ ل دەمژمێر 2:30 پشتی نیڤرۆ.
